જાસ્મિન ભસીને રેસ્ટોરાંમાં ફ્રેન્ડ્સ સાથે ડિનર લીધું
મુંબઈ: નાગિન ૪ અને બિગ બોસ ૧૪ની કન્ટેસ્ટન્ટ ૧૦મી જાન્યુઆરીએ શોમાંથી બહાર થઈ હતી. તે સારી ગેમ રમવામાં સફળ રહી અને ઘરમાં ૧૦૦ દિવસ પસાર કર્યા. જાસ્મિન બેઘર થઈ તે ક્ષણ ભાવુકમાંથી એક હતી. સલમાન ખાન પોતે પણ ભાવુક થઈ ગયો હતો અને તેના આંખમાં આંસુ આવી ગયા હતા.
ઘરમાંથી બહાર થયા બાદ જાસ્મિન તરત જ તેના ફ્રેન્ડ્સ ભારતી સિંહ અને હર્ષ લિંબાચિયાના ઘરે મળવા ગઈ હતી અને ત્યાં છોલે-ભટૂરે તેમજ મટન બિરયાની ખાધી હતી. હવે, ફરી એકવાર નાગિન ૪ની એક્ટ્રેસ ફ્રેન્ડ્સ સાથે ક્વોલિટી ટાઈમ સ્પેન્ડ કરતી જાેવા મળી હતી. જાસ્મિન ભસીને ફ્રેન્ડ્સ માટે ડિનર પાર્ટી યોજી હતી.
જેમાં ભારતી સિંહ, હર્ષ લિંબાચિયા, પુનિત પાઠક અને તેની પત્ની નિધિ મૂની સિંહ ઉપસ્થિત રહ્યા હતા. રેસ્ટોરાંમાં જમીને જ્યારે તેઓ બહાર નીકળી રહ્યા હતા ત્યારે ફોટોગ્રાફરના કેમેરામાં કેદ થયા હતા. બોલિવુડ ફોટોગ્રાફર વિરલ ભાયાણીએ સોશિયલ મીડિયા પર એક વીડિયો શેર કર્યો છે.
આ દરમિયાન જાસ્મિને સફેદ શોર્ટ ટોપ અને લૂઝ પેન્ટ પહેર્યું હતું. ભારતી સિંહ બ્લેક કલરના શોર્ટ ફ્રોકમાં, હર્ષ લિંબાચિયા પીળા ટી-શર્ટ-ડેનિમમાં તો પુનિત કેઝ્યુઅલ લૂકમાં જાેવા મળ્યો હતો.
જાસ્મિન ભસીને રેસ્ટોરાંમાંથી બહાર નીકળીને ફોટોગ્રાફર સાથે વાતચીત પણ કરી હતી. જ્યાં ફોટોગ્રાફરે જાસ્મિનને હંમેશા હસતા રહેવા માટે કહ્યું હતું તો અલી ગોનીનું નામ લઈને તેને ચીડવી પણ હતી. પુનિત પાઠકે ઈન્સ્ટાગ્રામ પર હર્ષ લિંબાચિયા અને જાસ્મીન સાથેની તસવીર પણ શેર કરી છે.
જેમાં ત્રણેય કોઈ મુદ્દા પર ગંભીર ચર્ચા કરતાં જાેઈ શકાય છે. આ સાથે પુનિતે લખ્યું છે કે, પુનિત અને હર્ષે કહ્યું, ‘મેડમજી અમને થોડું કામ આપો’ તો જાસ્મિને કહ્યું, મહેરબાની કરીને મારા મેનેજર સાથે વાત કરો.
પુનિતે આ સિવાય ઈન્સ્ટાગ્રામ સ્ટોરીમાં હર્ષ લિંબાચિયા સાથેની ફની તસવીર શેર કરી છે. જેના બેકગ્રાઉન્ડમાં સ્કેમ ૧૯૯૨નું મ્યૂઝિક વાગી રહ્યું છે. જાસ્મિન જ્યારે ઘરમાંથી બહાર થઈ ત્યારે તેનો બોયફ્રેન્ડ અલી ગોની તેને ભેટીને રડવા લાગ્યો હતો. રડતા-રડતા તેને અસ્થમા એટેક પણ આવ્યો હતો. સલમાન પણ આ બધું જાેઈને ભાવુક થયો હતો અને તેની આંખમાં આંસુ આવી ગયા હતા.
