Western Times News

Latest News from Gujarat

અર્ચના પૂરણ સિંહ પોતાનો મેકઅપ અને હેર સ્ટાઈલ જાતે કરે છે

મુંબઈ: કપિલ શર્માના ધ કપિલ શર્મા શોમાં જાેવા મળતી અર્ચના પૂરણ સિંહને લોકો તેની એક્ટિંગ સિવાય હસવાની રીતથી વધારે ઓળખે છે. કપિલ પણ શો દરમિયાન ઘણીવાર મહેમાનોની સાથે અર્ચનાની મજાક ઉડાવે છે અને તેના પર હસતો જાેવા મળે છે. કપિલના શોમાં અર્ચના જે ખુરશી સંભાળી રહી છે ત્યાં એક સમયે નવજાેત સિંહ સિદ્ધુ હતા.

જાે કે, અર્ચના પણ દર્શકોને ખાસ્સી પસંદ આવી રહી છે. તે સોશિયલ મીડિયા પર એક્ટિવ રહે છે અને સેટ પરથી પોતાની તસવીરો અને વીડિયો શેર કરતી રહે છે. જેમાં તેની સ્ટાઈલ જાેવા લાયક હોય છે. પરંતુ તમને જાણીને નવાઈ લાગશે કે, સલમાન ખાનના પ્રોડક્શનમાં બનેલા આ શોમાં અર્ચના પાસે ન તો મેકઅપ આર્ટિસ્ટ છે કે ન તો કોઈ હેર આર્ટિસ્ટ.

અર્ચના હેરસ્ટાઈલ લેવાથી લઈને ચા લાવવા સુધીનું દરેક કામ પોતે કરે છે. આ વાતનો ખુલાસો તેણે પોતે એક વીડિયોમાં કર્યો છે અને આ પાછળનું કારણ પણ જણાવ્યું છે. અર્ચનાએ ઈન્સ્ટાગ્રામ પર જે વીડિયો શેર કર્યો છે, તેમાં તે જૂના ફિલ્મોમાં વિલનનો રોલ કરવા માટે જાણીતના અભિનેત્રી બિંદુ સાથે વાતચીત કરી રહી છે.

વીડિયોમાં બિંદુ અર્ચનાને પૂછે છે કે, આજે તે કેમ તારી હેરસ્ટાઈલ સાદી રાખી છે. જેના પર અર્ચનાએ જણાવ્યું કે, બિંદુજી, હું મારો મેકઅપ જાતે કરું છું, હેરસ્ટાઈલ જાતે લઉ છું.

મારો કોઈ સ્ટાફ નથી. તમે જાેયું ને કે હું મારી ચા પણ જાતે જ લઈને આવી હતી. આ બધું કોરોનાના કારણે, જેથી કોઈ મારી પાસે ન આવે. હું મારી કાર પણ જાતે ડ્રાઈવ કરીને લઈ આવું છું. જેના પર બિંદુ કહે છે કે, ઓહ અચ્છા તું આર્ત્મનિભર છે. વીડિયોમાં બિંદુ સાથે અર્ચના તેના પતિ પરમીત, બંને બાળકો, તેઓ હાલ શું કરે છે અને જીવનમાં આગળ શું બનવા માગે છે તે અંગે વાતચીત કરતી જાેવા મળી રહી છે. વીડિયોના અંતમાં ગુલશન ગ્રોવર પણ કહે છે કે, તે છેલ્લા છ મહિનાથી ઘર બહાર નીકળ્યો નથી અને છ મહિના બાદ આ પહેલો સેટ છે જ્યાં તે આવ્યો છે.

Copyright © All rights reserved. | Developed by Aneri Developers