આવતા મહિને આવશે અજયની ફિલ્મ દ્રશ્યમ ૨

મુંબઈ, સચ પેડ કે બીજ કી તરફ હોતા હૈ, જિતના ભી ચાહે દફના લો, એક દિન વો બહાર આ હી જાતા હૈ, આ ડાયલોગ છે દ્રશ્યમ ૨ના વિજય સલગાંવકર ઉર્ફે અજય દેવગણનો. ‘દ્રશ્યમ’ ફિલ્મ જ્યાંથી ખતમ થઈ હતી ત્યાંથી જ દ્રશ્યમ ૨ની શરૂઆત થશે તેમ લાગી રહ્યું છે.

અજય દેવગણ, શ્રિયા સરણ, તબ્બુ, ઈશિતા દત્તા સ્ટારર ફિલ્મનું ટ્રેલર સામે આવી ગયું છે. ‘દ્રશ્યમ’ રિલીઝ થયાના સાત વર્ષ બાદ સીક્વલ થિયેયરમાં આવવાની છે. ઘટનાના સાત વર્ષ બાદ પણ મીરા દેશમુખનો (તબ્બુ) દીકરો સેમ ગુમ થયો હોવાનો કેસ હજી ચાલું છે.

એકવાર ફરી વિજય અને તેનો પરિવાર પોલીસની જાળમાં ફસાતો જાેવા મળશે. પહેલી ભાગમાં જબરદસ્ત સસ્પેન્સ જાેવા મળ્યું હતું અને દર્શકો બીજા ભાગની રાહ જાેઈ રહ્યા હતા, જે નવેમ્બરમાં રિલીઝ થવાની છે. ટ્રેલર તમને શરૂઆતથી અંત સુધી જાેવા માટે મજબૂર કરશે.

ટ્રેલરની શરૂઆતમાં વિજય સલગાંવકર પોલીસને કહી રહ્યો છે કે, સેમ ગુમ થયો તેને સાત વર્ષ થઈ ગયા પરંતુ હજી પણ તેના પરિવારને પરેશાન કરવામાં આવી રહ્યો છે. સીક્વલમાં અક્ષય ખન્ના એન્ટ્રી થઈ છે અને તે તપાસ અધિકારીનું પાત્ર ભજવી રહ્યો છે, તે ગમે તે કરીને વિજયનું જુઠ્ઠાણું પકડવા માટે મથી રહ્યો છે. પરંતુ આ વખતે પણ તેઓ એ જ મુશ્કેલીનો સામનો કરે છે અને તે છે પુરાવો.

પૂર્વ આઈજી તબ્બુ, જે સેમની માતા છે તે આ વખતે ‘ચારમું ધોરણ નાપાસ અભણ’ને અન્ડરએસ્ટિમેટ કરવા માગતી નથી. દ્રશ્યમ ૨ આ જ નામથી બનેલી સાઉથની ફિલ્મની હિંદી રિમેક છે, જેમાં લીડ એક્ટર મોહનલાલ હતો. અજય દેવગણ સ્ટારર ફિલ્મનો પહેલો ભાગ ૨૦૧૫માં રિલીઝ થયો હતો, જેનું ડિરેક્શન નિશિકાંત કામતે કર્યું હતું.

પહેલી ફિલ્મમાં પણ અજય દેવગણ સિવાય શ્રિયા સરણ અને ઈશિતા દત્તા જાેવા મળ્યા હતા. તો બીજા ભાગમાં કેટલાક નવા ચહેરાની એન્ટ્રી થઈ છે.

ફિલ્મ દ્રશ્યમ ૨ ૧૮ નવેમ્બરના રોજ રિલીઝ થશે. વર્ક ફ્રંટની વાત કરીએ તો, અજય દેવગણ ખૂબ જલ્દી ફિલ્મ ‘થેન્ક ગોડ’માં જાેવા મળવાનો છે, જેમાં સિદ્ધાર્થ મલ્હોત્રા અને રકુલ પ્રીત સિંહ પણ લીડ રોલમાં છે. આ ફિલ્મ ૨૫ ઓક્ટોબરે રિલીઝ થવાની છે. આ સિવાય તેની પાસે મેદાન અને ભોલા જેવી ફિલ્મો પણ છે.SS1MS