મહિલા ખેડુતને વર્ષે મળશે ૧૨ હજાર, ટૂંક સમયમાં થશે જાહેરાત

નવી દિલ્હી,  દેશમાં આ વર્ષે લોકસભા ચૂંટણી યોજાવા જઈ રહી છે. તે પહેલા મહિલા ખેડૂતોને મોટા સમાચાર મળી શકે છે. વડાપ્રધાન નરેન્દ્ર મોદી મહિલા ખેડૂતોને આપવામાં આવતી વાર્ષિક સન્માન નિધિને બમણી કરવા જઈ રહ્યા છે. જાે આમ થશે તો મહિલા ખેડૂતોને કેન્દ્ર સરકાર તરફથી દર વર્ષે ૧૨,૦૦૦ રૂપિયા મળશે. હાલમાં દેશભરના ખેડૂતોને વાર્ષિક ૬૦૦૦ રૂપિયા સન્માન નિધિ તરીકે આપવામાં આવે છે. રોઇટર્સે સૂત્રોને ટાંકીને જણાવ્યું હતું કે કેન્દ્ર સરકાર ટૂંક સમયમાં સન્માન નિધિને બમણી કરવાની જાહેરાત કરી શકે છે.

આ સાથે સરકારને સામાન્ય ચૂંટણીમાં મહિલા મતદાતાઓનું ભારે સમર્થન મળી શકે છે. સૂત્રોને ટાંકીને આ અહેવાલ મુજબ ૧ ફેબ્રુઆરીએ રજૂ થનારા વચગાળાના બજેટમાં આની જાહેરાત કરવામાં આવનાર છે. આ ર્નિણયથી સરકાર પર લગભગ ૧૨ હજાર કરોડ રૂપિયાનો વધારાનો બોજ પડશે. પીએમ મોદીએ ૨૦૧૯ની સામાન્ય ચૂંટણી પહેલા કિસાન સન્માન નિધિ (પ્રધાનમંત્રી કિસાન સન્માન નિધિ) આપવાની જાહેરાત કરી હતી.

કેન્દ્ર સરકારના જણાવ્યા અનુસાર, હાલમાં દેશના ૧૧ કરોડ ખેડૂતો આ યોજનાનો લાભ લઈ રહ્યા છે. આ યોજના દ્વારા નવેમ્બર સુધી ૧૫ હપ્તામાં ૨.૮૧ લાખ કરોડ રૂપિયાનું વિતરણ કરવામાં આવ્યું છે. બાર્કલેઝ ઇન્વેસ્ટમેન્ટ બેંકના અર્થશાસ્ત્રી રાહુલ બાજાેરિયાએ જણાવ્યું હતું કે કિસાન સન્માન નિધિમાં વધારો કરવાથી મહિલાઓને મોટો ટેકો મળશે. તેનાથી તેમની આર્થિક શક્તિમાં પણ વધારો થશે.

રિપોર્ટમાં એક સૂત્રએ જણાવ્યું હતું કે કોઈપણ સરકારી યોજનામાં મહિલાઓને આપવામાં આવતી રોકડ સહાયને બમણી કરવાનો કોઈ દાખલો નથી. તેનાથી ગ્રામીણ વિસ્તારોમાં મહિલાઓની સ્થિતિ વધુ મજબૂત થશે.

જાે કે, કૃષિ મંત્રાલય અને નાણા મંત્રાલયે આ મુદ્દે ટિપ્પણી કરવાનો ઇનકાર કર્યો હતો. હાલમાં દેશમાં ૨૬ કરોડ ખેડૂતો છે. તેમના પરિવારોને કારણે તેઓ એક મોટી વોટ બેંક છે.

સરકારી આંકડા મુજબ દેશની ૧૪૨ કરોડની વસ્તીમાં મહિલાઓની સંખ્યા લગભગ ૬૦ ટકા છે. પરંતુ, માત્ર ૧૩ ટકા જમીન માલિકો છે. આ જ કારણ છે કે સન્માન નિધિને બમણી કરવા છતાં સરકારને બહુ ફરક નહીં પડે. SS1SS