નિખિલ પટેલની દીકરીઓ દલજીતને D મમ કહીને બોલાવે છે
મુંબઈ, ટીવી એક્ટ્રેસ દલજીત કૌરે ૧૮ માર્ચના રોજ કેન્યામાં રહેતા અને યુકેના નિખિલ પટેલ સાથે લગ્ન કર્યા છે. નિખિલ પટેલ સાથે લગ્ન બાદ દલજીત પોતાના દીકરા જેડનને લઈને કેન્યાના નાઈરોબી શિફ્ટ થઈ ગઈ છે. નિખિલ અને દલજીત બંનેના આ બીજા લગ્ન છે.
નિખિલને પહેલા લગ્નથી બે દીકરીઓ છે જેમાંથી એક તેની સાથે રહે છે. દલજીત કૌરે હાલમાં જ આપેલા એક ઈન્ટરવ્યૂમાં સાવકી દીકરીઓ સાથેના બોન્ડ, જેડન અને નિખિલના બોન્ડ તેમજ ટ્રોલર્સ વિશે વાત કરી છે. ઈન્ટરવ્યૂમાં દલજીતે જણાવ્યું કે, કેન્યા અને ભારતની લાઈફસ્ટાઈલમાં ખાસ ફરક નથી કારણકે ત્યાં પણ આખો દિવસ ચહલપહલ રહે છે.
દલજીત, નિખિલ અને બંને બાળકો આખો દિવસ રાજી-ખુશીથી રહે છે. “ઘરમાં અત્યારે તો અમે ચાર જ છીએ. અમારા મમ્મી-પપ્પા આવતા-જતા રહેશે પણ હાલ તો અમે બંને અને બે બાળકો છીએ.
નિકે બધી જ વ્યવસ્થા ખૂબ સરસ રીતે કરી હતી. અમે જે દિવસે પહોંચ્યા તેના બીજા જ દિવસથી જેડન સ્કૂલ જવા લાગ્યો. જેડનને અહીં મજા આવી રહી છે. તેનું નિખિલ સાથે ખૂબ સારું બોન્ડ છે અને તે આખો દિવસ તેની પાછળ પાછળ ફર્યા કરે છે”, તેમ દલજીતે જણાવ્યું.
નિખિલની બે દીકરીઓ છે આરિયાના અને અનિકા. આરિયાના મને ડી મમ કહીને બોલાવે છે જ્યારે અનિકા તેની મમ્મી સાથે યુએસમાં રહે છે. હું તેના માટે એક મા જેવી છું.
આરીએ જ મને પૂછ્યું હતું કે તે મને શું કહીને બોલાવે, જે બાદ તેણે જ મને ડી મમ કહીને બોલાવાનું શરૂ કર્યું હતું. તેની સાથે મારો સંબંધ ખૂબ સારો છે. તે સ્કૂલ જતા પહેલા મને શોધે છે. તેની સાથે સરસ સંબંધ બંધાઈ રહ્યો છે, તેમ દલજીતે ઉમેર્યું. લગ્ન પૂરા થતાં જ મારા સાસુ યુકે જવા રવાના થયા હતા. પરંતુ તેઓ કોઈકના સંપર્કમાં હતા અને તેમણે જ મારું ઘરમાં સ્વાગત કર્યું હતું.
મારો ગૃહપ્રવેશ ખૂબ સરસ રીતે થયો હતો. નિકને કંઈ સમજણ નહોતી પડતી તે કહી રહ્યો હતો કે આ બધું કેમ ફેલાવી રાખ્યું છે. ચોખા કેમ ફેંકે છે.
નિક પરંપરાઓનું સન્માન કરે છે, તેમ દલજીતે જણાવ્યું. દલજીતે પૂર્વ પતિ શાલીનને લગ્નમાં કેમ ના બોલાવ્યો તે વિશે વાત કરતાં કહ્યું, “તે આવ્યો હોત તો પરિસ્થિતિ વિચિત્ર થઈ જાત. એટલે તે આવ્યો કે નહીં તે જરૂરી નથી.
અમે એક બાળકના માતાપિતા છીએ અને આ અમારા માટે વધુ મહત્વનું છે. તે મારા માટે ખુશ છે અને હું તેના માટે ખુશ છું. અમે લોકો વધારે સંપર્કમાં નથી પરંતુ મેં લગ્ન પહેલા એકવાર નિક સાથે તેની મુલાકાત કરાવી હતી. અમારા સંબંધો સારા છે.SS1MS
