નિશા રાવલ સાથે રહે છે કથિત બોયફ્રેન્ડ રોહિત સાઠિયા
મુંબઈ, યે રિશ્તા ક્યા કહેલાતા હૈ’ના એક્ટર કરણ મહેરા અને પત્ની નિશા રાવલ વચ્ચેનો વિખવાદ ચરમ પર છે. કરણ અને નિશા હાલ ડિવોર્સ અને કોર્ટમાં દીકરા કાવિશની કસ્ટડી માટે લડી રહ્યા છે. થોડા દિવસ પહેલા જ કરણ મહેરાએ પ્રેસ કોન્ફરન્સ કરીને નિશા રાવલનું અફેર ચાલતું હોવાના આરોપ લગાવ્યા હતા. કરણે કહ્યું હતું કે, નિશાનું તેના જ માનેલા ભાઈ રોહિત સાઠિયા સાથે અફેર ચાલી રહ્યું છે.
નિશા અને કરણ વચ્ચેનો વિખવાદ સપાટી પર આવ્યો ત્યારથી રોહિત સાઠિયાનું નામ પણ ખૂબ ચર્ચાઈ રહ્યું છે. અહીં તમને રોહિત વિશે એવી માહિતી આપીશું જે જાણીને તમને ચોક્કસથી નવાઈ લાગશે. માહિતી અનુસાર, રોહિત સાઠિયા એક્ટર રાજેશ ખટ્ટરનો કઝિન છે.
હાલ વંદના સજનાની સાથે પરણેલા રાજેશ ખટ્ટરે અગાઉ નિલિમા અઝીમ સાથે લગ્ન કર્યા હતા. નિલિમા બોલિવુડ અભિનેતાઓ શાહીદ કપૂર અને ઈશાન ખટ્ટરની મમ્મી છે. ઈશાન, નિલિમા અને રાજેશનો દીકરો છે. રસપ્રદ વાત તો એ છે કે, રાજેશ પત્ની વંદના સાથે એ જ બિલ્ડિંગમાં રહે છે જ્યાં નિશા રાવલ રહે છે. મુંબઈના ગોરેગાંવમાં આવેલા ઈમ્પિરિયલ હાઈટ્સમાં નિશા રાવલ રહે છે.
આ બિલ્ડિંગમાં ક્રિતી ખરબંદા અને પુલકિત સમ્રાટ તેમજ તાપસી પન્નુ પણ રહે છે. કરણ મહેરાએ પ્રેસ કોન્ફરન્સમાં ખુલાસો કર્યો હતો કે, રોહિત અવારનવાર નિશાના ઘરે રોકાય છે. કરણ મહેરાની પ્રેસ કોન્ફરન્સ અંગે બોલવાનો નિશા રાવલે ઈનકાર કર્યો હતો.
નિશા સાથે કરણની એક કલાક લાંબી પ્રેસ કોન્ફરન્સ અંગે વાત કરવાનો પ્રયાસ કર્યો હતો. ત્યારે નિશાએ માત્ર એટલું જ કહ્યું હતું કે, “હું આ વિશે વાત નથી કરવા માગતી.” બીજી તરફ રોહિતે પોતાના ફોનમાં એવું સેટિંગ કર્યું છે કે જ્યારે ફોન કરો ત્યારે ‘અત્યારે વ્યસ્ત છે’ તેવો સંદેશ સાંભળવા મળે છે.
હવે દેખીતી રીતે જ કોઈ ૨૪ કલાક તો વ્યસ્ત ના હોઈ શકે. કરણ મહેરાની પ્રેસ કોન્ફરન્સ પર હજી સુધી નિશા અને રોહિતની પ્રતિક્રિયા નથી આવી. જણાવી દઈએ કે, ગત વર્ષે જૂન મહિનામાં કરણ રાવલ પર નિશાએ ઘરેલુ હિંસાનો આરોપ મૂક્યો હતો.
નિશાની ફરિયાદ બાદ કરણની ધરપકડ કરવામાં આવી હતી. જાેકે, થોડા કલાકમાં જ તે જામીન પર મુક્ત થયો હતો. એ વખતે નિશાએ કરણ પર એક્સ્ટ્રા મેરિટલ અફેરના આરોપ લગાવ્યા હતા. જેના જવાબમાં કરણે આ બધું ખોટું હોવાનું કહ્યું હતું.SS1MS
