નીતા અંબાણી-રેખાએ એક જ સ્કૂલમાં અભ્યાસ કરેલો છે

મુંબઈ, નીતા અંબાણી અને રેખા જાહેરમાં કોઈ સ્થળે ભાગ્યે જ સાથે જોવા મળે છે. તેમને પરસ્પર આદર હોવાનું જગજાહેર છે, પરંતુ તેમની વચ્ચેનું એક કનેક્શન મોટાભાગના લોકોને ખબર નથી. નીતા અંબાણીએ આ અંગે વાત કરતાં કહ્યું હતું કે, તેઓ અને રેખા એક જ સ્કૂલમાં અભ્યાસ કરતા હતા.

તેમની આ વાત સાંભળીને રેખાના ચહેરા પર પણ ખુશી આવી ગઈ હતી. બંને સેલિબ્રિટીઝે પોતાનો આનંદ વ્યક્ત કરતાં બાદમાં ઈમોશનલ બોન્ડિંગ સાથેના પોઝ આપ્યા હતા.

ડિઝાઇનર મનિષ મલ્હાત્રાએ તાજેતરમાં જ જિઓ વર્લ્ડ ગાર્ડન ખાતે પોતાનો સ્ટોર લોંચ કર્યો છે, જેમાં ફેશન, બિઝનેસ અને ફિલ્મ ઇન્ડસ્ટ્રીના અનેક સેલેબ્રિટીઝ હાજર રહ્યા હતા. તેમાં મનિષ મલહોત્રાના મનપસંદ ક્લાયન્ટમાંના એક રેખા અને રિલાયન્સ ફાઉન્ડેશનના ચેરપર્સન નીતા અંબાણીની એકબીજા સાથેની મુલાકાત સૌ કોઈ માટે ઊડીને આંખે વળગે તેવી હતી.

બંને એકબીજાને સામે મળી ગયાં હતાં અને એકબીજાને ખૂબ પ્રેમ અને હુંફ સાથે મળ્યાં હતાં. પ્રેમપૂર્વક એકબીજાનો હાથ પકડીને ઘણી વાર સુધી બંને ખૂબ અંગત રીતે વાતો કરતાં દેખાયાં હતાં. આ પ્રસંગે રેખાએ એક ગોલ્ડન સાડી, મેચિંગ જ્વેલરી સાથે પોટલી રાખી હતી.

જ્યારે નીતા અંબાણીએ પેરટ ગ્રીન સાડી સાથે એબ્રોડરીવાળું ટ્રાન્સપરન્ટ સિલ્વર બ્લાઉઝ અને મેચિંગ ઇઅરિંગ્ઝ પહેરી હતી. બંનેએ હેરસ્ટાઇલમાં બન જ કર્યું હતું. તેમને બંનેને આ રીતે મળીને વાતો કરતા જોઇને પાપરાઝીને પણ મજા આવી હતી, ત્યારે નીતા અંબાણીએ તેમને કહ્યું હતું કે તેઓ બંને એક જ સ્કૂલમાં ભણ્યા છે. નીતા અંબાણીના આ ખુલાસાથી ઘણાં લોકોને સરપ્રાઈઝ મળી હતી.

આ પ્રસંગની એક વીડિયો પણ સોશિયલ મીડિયા પર વાયરલ થઈ રહી છે, જેમાં નીતા અંબાણી, રેખા અને મનિષ મલહોત્રા ઊભા રહીને વાતો કરે છે અને શિલ્પા શેટ્ટી આવીને રેખાને પગે લાગે છે. રેખા તેને આશીર્વાદ આપે છે અને ભેટી પડે છે, સાથે નીતા અંબાણીની વાતમાં પણ ધ્યાન આપતાં જણાય છે.

શિલ્પાએ મોતી ભરેલું વ્હાઇટ ગાઉન પહેર્યું હતું, તેની સાથે એક મેચિંગ હેન્ડ બેગ પણ લાવી હતી. જ્યારે મનિષ મલ્હાત્રાએ બ્લૅક જોધપુરી સૂટ પહેર્યું હતું.SS1MS