ગુવાહાટી હાઇકોર્ટે ભાજપ સરકારને બુલડોઝર કાર્યવાહી મુદ્દે આડે હાથે લીધી
કોર્ટે ભાજપ સરકારને પૂછ્યું- કયા કાયદા હેઠળ બુલડોઝર કાર્યવાહી કરાઈ રહી છે?
(એજન્સી)ગોવાહાટી, આસામના ગુવાહાટી હાઇ કોર્ટે આરોપીઓના મકાનો ધ્વસ્ત કરવા કાર્યવાહીના એક કેસ પર સ્વતઃ સંજ્ઞાન લેતા રાજ્ય સરકાર પાસે જવાબ માગ્યો છે.
કોર્ટે રાજ્ય સરકારને પૂછ્યું છે કે કયા કાયદા હેઠળ એવી બુલડોઝર કાર્યવાહી કરવામાં આવી ? ગુવાહાટી હાઇ કોર્ટના મુખ્ય ન્યાયાધીશ આર.એમ. છાયા અને ન્યાયાધીશ સૌમિત્ર સાઇકિયાએ પોલીસ અધિક્ષક તરફથી ૫ આરોપીઓના મકાનો પર કરવામાં આવેલી બુલડોઝર કાર્યવાહીને લઇને રાજ્ય સરકાર પાસે જવાબ માગ્યો છે.
જે આરોપીઓના મકાનો પર બુલડોઝર ચાલ્યા, તેના પર એક પોલીસ સ્ટેશનમાં આગ લગાવવાનો આરોપ છે. એક ન્યૂઝ પોર્ટલના રિપોર્ટ મુજબ, રાજ્ય સરકારના વકીલ જીઁ તરફથી કરવામાં આવેલી કાર્યવાહીને લઇને એક રિપોર્ટ કોર્ટમાં સોંપ્યો હતો.
તેના પર કોર્ટે સરકારના વકીલને કહ્યું કે, ‘તમે (રાજ્ય સરકાર) અમને કોઇ ગુનાહિત કાયદો દેખાડો, જે હેઠળ ગુનાની તપાસ કરતા, કોઇ આદેશ વિના પોલીસ બુલડોઝરથી કોઇ વ્યક્તિને ઉખાડી શકે છે. તેના પર સરકારના વકીલે સ્પષ્ટ કરવાનો પ્રયત્ન કર્યો કે, આ કાર્યવાહી કોઇ વ્યક્તિને ઉખાડવા માટે નહોતી.
મુખ્ય ન્યાયાધીશે કટાક્ષ કરતા કહ્યું કે, તેઓ એક જીઁ હોય શકે છે, પરંતુ તમારા ઉચ્ચ અધિકારીઓએ પણ કાયદાના દાયરામાંથી પસાર થવાની જરૂરિયાત છે. તેઓ પોલીસ વિભાગના પ્રમુખ છે, માત્ર એટલે કોઇનું ઘર નહીં તોડી શકે. જાે આ પ્રકારની કાર્યવાહીની મંજૂરી આપવામાં આવે તો, આ દેશમાં કોઇ પણ સુરક્ષિત નથી.
કથિત રીતે જીઁએ ૫ મુસ્લિમ આરોપીઓના ઘર પર બુલડોઝર ચલાવવાના આદેશ આપ્યા હતા, જેમના પર નગાંવ જિલ્લાના બટાદ્રવા પોલીસ સ્ટેશનને આગના હવાલે કરવાનો આરોપ છે.
આ પોલીસ કસ્ટડીમાં એક ગ્રામીણનું મોત થઇ ગયું હતું. સુનાવણી દરમિયાન બેન્ચે કહ્યું કે, આ કાર્યવાહી અગાઉ શું કોઇ મંજૂરી લેવામાં આવી હતી? તેના પર વકીલે કહ્યું કે, મકાનની તપાસ માટે મંજૂરી માગવામાં આવી હતી.
બેન્ચે પોલીસ કાર્યવાહીની રીત પર ખૂબ જ હેરાની વ્યક્ત કરી. મુખ્ય ન્યાયાધીશે ટિપ્પણી કરી કે, ઓછામાં ઓછા સીમિત કરિયર દરમિયાન મેં એવો કેસ નથી સાંભળ્યો.
મેં કોઇ પોલીસ અધિકારીને સર્ચ વોરન્ટ તરીકે બુલડોઝર ચલાવતા નથી જાેયા. પોલીસ માત્ર તપાસની આડમાં કોઇના ઘરને ઉખાડી નહીં શકે. કાલે કોઇ વ્યક્તિ આ કોર્ટ રૂમમાં બળજબરીથી ભરાઇ જાય છે તો તમે તેને બહાર કાઢશો કે પછી ખુરશીને ઉખેડવા લાગશો, જેના પર તે બેઠો છે? એવો કેસ સાંભળ્યો નથી.
