ઉત્તર ભારતમાં વાવાઝોડા સાથે વરસાદથી ૧૦નાં મોત
ભારે વરસાદથી અનેક વિસ્તાર જળમગ્ન ઃ દિલ્હીમાં ઝાડ પડતાં એક મહિલા અને તેના ત્રણ બાળકનાં મોત
(એજન્સી)નવી દિલ્હી, ગુરુવારે રાત્રે દિલ્હી-એનસીઆર, યુપી અને છત્તીસગઢમાં વાવાઝોડા, વીજળી પડવા અને ઝાડ પડવાની ઘટનાઓમાં ૧૦ લોકોનાં મોત થયાં છે. દિલ્હી અને ઉત્તરપ્રદેશમાં ૪-૪ લોકો અને છત્તીસગઢમાં ૨ લોકોએ જીવ ગુમાવ્યા છે.
દિલ્હી-એનસીઆરના નીચાણવાળા વિસ્તારોમાં પાણી ભરાઈ ગયાં છે. દિલ્હી એરપોર્ટથી ૨૦૦થી વધુ ફ્લાઇટ્સ મોડી પડી છે. ૩ને ડાઇવર્ટ કરવી પડી. ૨ને જયપુર અને એકને અમદાવાદમાં ઉતરાણ કરાવ્યું.
દિલ્હી એરપોર્ટનું સંચાલન કરતી કંપની દિલ્હી ઇન્ટરનેશનલ એરપોર્ટ લિમિટેડએ જણાવ્યું હતું કે ફ્લાઇટ કામગીરી સામાન્ય છે. દિલ્હી એરપોર્ટથી દરરોજ લગભગ ૧,૩૦૦ ફ્લાઇટ્સનું સંચાલન થાય છે.
ગુરુવારે અગાઉ પશ્ચિમ બંગાળના સંદકફુમાં નવેસરથી હિમવર્ષા થઈ હતી. જમ્મુમાં ભારે વરસાદ પડ્યો, જેના કારણે લોકોને ગરમીથી રાહત મળી.
હવામાન વિભાગે આજે રાજસ્થાનના ૩૦ જિલ્લાઓમાં વાવાઝોડા અને વરસાદની ચેતવણી જારી કરી છે. ગુરુવારે અગાઉ જયપુર, જેસલમેર, ભીલવાડા અને પાલીમાં ઘણી જગ્યાએ વાવાઝોડા અને કરા સાથે વરસાદ પડ્યો હતો.
શુક્રવારે મધ્યપ્રદેશ, છત્તીસગઢ, ઉત્તરાખંડ, ઓડિશા, નાગાલેન્ડ, મણિપુર, મિઝોરમ, ત્રિપુરામાં કરા પડી શકે છે. જ્યારે રાજસ્થાન, હરિયાણા, ચંડીગઢ, દિલ્હી અને પંજાબમાં ધૂળની આંધી આવશે.
The national capital woke up to this after thunderstorm and rain. Trees uprooted. Vehicles damaged. This is Sheikh Sarai Phase-2. #DelhiRains #Delhi pic.twitter.com/pRWepLAnrM
— Bhavya Khanna (@bhavyakhannaaa) May 2, 2025
ગુરુવાર રાતથી દિલ્હીમાં વાવાઝોડા સાથે ભારે વરસાદ પડી રહ્યો છે. સવારે ૫ વાગ્યાની આસપાસ રાજધાની અને તેની આસપાસના વિસ્તારોમાં જોરદાર પવન ફૂંકાયો. પવન એટલો જોરદાર હતો કે ઘણા વિસ્તારોમાં ઝાડની ડાળીઓ તૂટીને રસ્તા પર પડી ગઈ.
દિલ્હીના દ્વારકાના ખારખાડી કેનાલ ગામમાં શુક્રવારે સવારે ભારે પવનને કારણે એક લીમડાનું ઝાડ ટ્યૂબવેલના ઓરડા પર પડી ગયું. આ અકસ્માતમાં એક મહિલા અને તેના ત્રણ બાળકનું મોત થયું છે, જ્યારે મહિલાનો પતિ ઘાયલ થયો છે.
૩ મે- રાજસ્થાનમાં ધૂળનું તોફાન આવશે. મધ્યપ્રદેશ, હિમાચલ પ્રદેશ, છત્તીસગઢ, સિક્કિમ, પશ્ચિમ બંગાળ અને ઓડિશામાં કરા પડી શકે છે. કેરળ, અરુણાચલ પ્રદેશ અને કર્ણાટકમાં વરસાદની ચેતવણી આપવામાં આવી છે. યુપી, પંજાબ, ચંડીગઢ, દિલ્હી, બિહાર, ગુજરાતમાં ગરમી માટે યલો એલર્ટ છે.
૪ મે- રાજસ્થાનમાં ધૂળનું તોફાન આવશે. મધ્યપ્રદેશમાં કરા પડી શકે છે. મધ્ય મહારાષ્ટ્ર, મરાઠવાડા, તામિલનાડુ-પુડુચેરી, કર્ણાટક, પૂર્વીય ઉત્તરપ્રદેશ, અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરામાં વરસાદની ચેતવણી છે. મધ્યપ્રદેશ, છત્તીસગઢ અને વિદર્ભમાં ગરમી માટે ઓરેન્જ એલર્ટ છે. જ્યારે યુપી, પંજાબ, ચંડીગઢ, દિલ્હી, બિહાર, ગુજરાતમાં ગરમી માટે યલ્લો એલર્ટ છે. ૫ મે- મરાઠવાડા, મધ્ય મહારાષ્ટ્ર, કર્ણાટક, પૂર્વીય ઉત્તરપ્રદેશ, સિક્કિમ, બંગાળ, અરુણાચલ પ્રદેશ, આસામ,
મેઘાલય, નાગાલેન્ડ, મણિપુર, મિઝોરમ, તામિલનાડુ-પુડુચેરી અને ત્રિપુરામાં વરસાદની ચેતવણી. રાજસ્થાનમાં ધૂળની વાવાઝોડા આવી શકે છે. મધ્યપ્રદેશ, યુપી, પંજાબ, ચંડીગઢ, દિલ્હી, બિહાર, ગુજરાતમાં ગરમી માટે યલો એલર્ટ છે. યુપીના સહારનપુર, મથુરા, ગાઝિયાબાદ, આગ્રા, બુલંદશહર સહિત ૧૫ શહેરમાં ભારે પવન સાથે ભારે વરસાદ પડ્યો. મથુરામાં એટલો બધો વરસાદ પડ્યો કે રસ્તાઓ પાણીથી ભરાઈ ગયા.
ઘરો, દુકાનો અને ખાનગી હોસ્પિટલોમાં બે ફૂટ સુધી પાણી ભરાઈ ગયાં હતાં. મથુરાના આદિંગ શહેરમાં લોકો ડોલમાંથી પાણી કાઢતા જોવા મળ્યા. વેસ્ટર્ન ડિસ્ટર્બન્સની અસરને કારણે છત્તીસગઢમાં આગામી ૩ દિવસ સુધી વાવાઝોડા સાથે ભારે પવન ફૂંકાઈ શકે છે.
કેટલાક વિસ્તારોમાં વરસાદ સાથે કરા પણ પડી શકે છે. આજે ૧૨ જિલ્લામાં ઓરેન્જ એલર્ટ છે. આ પહેલાં રાયપુર સહિત રાજ્યના ઘણા ભાગોમાં ગુરુવારે સાંજે ફૂંકાયેલા વાવાઝોડાએ ભારે વિનાશ વેર્યો હતો. ૭૦થી ૭૪ કિમી પ્રતિ કલાકની ઝડપે આવું વાવાઝોડું ૧૦ વર્ષ પછી ફૂંકાયું છે.
હરિયાણામાં હવામાન બદલાયું છે. હિસાર, રેવાડી, સિરસા, ફતેહાબાદ, ગુરુગ્રામ, પાણીપત, ભિવાની, અંબાલા, સોનીપત, ઝજ્જર, જીંદ, પંચકુલા, કૈથલ, મહેન્દ્રગઢ, કરનાલ, પલવલ, નૂહ, કુરુક્ષેત્ર અને ફરીદાબાદમાં વરસાદ થઈ રહ્યો છે. તોફાન સાથે વીજળીના ચમકારા પણ થઈ રહ્યા છે. ફરીદાબાદમાં દ્ગૐઁઝ્ર અંડરપાસની અંદર એક કાર ડૂબી ગઈ હતી.
