એક પક્ષે પોતાના મેનિફેસ્ટોમાં લખ્યું છે કે અમે ભારતના પરમાણુ હથિયારોને નષ્ટ કરીશુંઃ મોદી

બાડમેરમાં કોંગ્રેસ પર વડાપ્રધાનના આકરા પ્રહાર-વિપક્ષોનું ગઠબંધન દેશના પરમાણુ હથિયારો નષ્ટ કરવા માંગે છે: મોદી

INDI-A ગઠબંધન કોના દબાણ હેઠળ આપણી પરમાણુ તાકાતને નષ્ટ કરવા માંગે છે?

(એજન્સી)બાડમેર, પીએમ મોદીએ શુક્રવારે રાજસ્થાનના બાડમેરમાં બીજી ચૂંટણી રેલી યોજી હતી. અહીં આરોપ લગાવવામાં આવ્યો હતો કે ઈન્ડી ગઠબંધનના પક્ષો દેશમાંથી પરમાણુ હથિયારોને ખતમ કરવા માંગે છે. મોદીએ કહ્યું- ‘હું પૂછવા માગું છું કે તમે કોના ઈશારા પર કામ કરી રહ્યા છો, કોણ ભારતને અશક્ત બનાવવા માગે છે.

છેવટે, તમારું ગઠબંધન કોના દબાણ હેઠળ આપણી પરમાણુ તાકાતને નષ્ટ કરવા માંગે છે? આ સાથે મોદીએ કોંગ્રેસ પર બંધારણ વિશે ખોટું બોલવાનો આરોપ પણ લગાવ્યો. મોદીએ કહ્યું કે ૪૦૦ સીટોની આ વાત એટલા માટે થઈ રહી છે કારણ કે તમે દસ વર્ષ સુધી મને સારું કામ કરતા રોકવાનો પ્રયાસ કર્યો. દેશ તમને સજા કરવા માંગે છે. Notably, the Communist Party of India (Marxist) — which is part of the INDIA bloc — in its manifesto has promised “complete elimination of nuclear weapons and other weapons of mass destruction including chemical and biological weapons.”

बाड़मेर की रैली में उमड़ा जनसैलाब साफ-साफ संदेश दे रहा है कि जनता-जनार्दन एक बार फिर भाजपा को भरपूर आशीर्वाद देने वाली है। pic.twitter.com/6imjiDi2GS

— Narendra Modi (@narendramodi) April 12, 2024

તેમણે કહ્યું, ‘જ્યાં સુધી બંધારણની વાત છે, તો તે લેખિતમાં લઈ લો કે બાબા સાહેબ આંબેડકર પોતે આવે તો પણ તેઓ બંધારણને ખતમ કરી શકે નહીં. આપણું બંધારણ, આપણા માટે ગીતા છે, રામાયણ છે, બાઇબલ છે, કુરાન છે. આ ચૂંટણી લોકશાહીને મજબૂત કરવાની ચૂંટણી છે. કોંગ્રેસે ૫ દાયકાથી વધુ સમય સુધી દેશમાં શાસન કર્યું, પરંતુ એક પણ મોટી સમસ્યા એવી નથી કે જેનો તેણે સંપૂર્ણ ઉકેલ આપ્યો હોય.

મોદીએ કહ્યું કે ઈન્ડિયા ગઠબંધનના સભ્યો ભારત વિરુદ્ધ કેટલી નફરતથી ભરેલા છે તે તેમના ઢંઢેરામાં દેખાય છે. કોંગ્રેસ ઢંઢેરામાં ભાગલા માટે દોષિત મુસ્લિમ લીગની છાપ દેખાય છે. હવે આ ગઠબંધનમાં સામેલ અન્ય એક પક્ષે દેશ વિરુદ્ધ ખૂબ જ ખતરનાક જાહેરાત કરી છે. તેમણે પોતાના મેનિફેસ્ટોમાં લખ્યું છે કે અમે ભારતના પરમાણુ હથિયારોને નષ્ટ કરીશું.

ભારત જેવો દેશ, જેની બંને બાજુના દેશો પાસે પરમાણુ શસ્ત્રો છે, તે દેશમાંથી પરમાણુ શસ્ત્રો નાબૂદ કરવાનો પોતાનો ઈરાદો જાહેર કરે છે. હું પૂછું છું મારે જાણવું છે કે તમે કોના ઈશારે કામ કરી રહ્યા છો, કોણ ભારતને શક્તિહીન બનાવવા માંગે છે. છેવટે, તમારું ગઠબંધન કોના દબાણ હેઠળ આપણી પરમાણુ તાકાતને ખતમ કરવા માંગે છે? એક તરફ મોદી ભારતને શક્તિશાળી બનાવી રહ્યા છે તો બીજી તરફ ઈન્ડિયા ગઠબંધન ભારતને નબળું પાડવા માંગે છે.

મોદીએ કહ્યું, ‘રાજસ્થાનના રણમાં મહિલાઓ કહેતી હતી કે ઘી ઢોળાઈ જાય તો મારું કશું જ નહીં જાય, પરંતુ પાણી ઢોળાવું ન જોઈએ. મોદીજીએ આ સમસ્યાનો ઉકેલ માટે જળ જીવન મિશનની શરુઆત કરી, પરંતુ કોંગ્રેસ સરકારે તેમાં પણ ભ્રષ્ટાચાર આચર્યો હતો. કોંગ્રેસની વિચારસરણી જ વિકાસ વિરોધી છે.

મોદીએ કહ્યું કે તેમણે જાણીજોઈને દેશના સરહદી ગામોને વિકાસથી દૂર રાખ્યા. તેઓએ કારણ આપ્યું કે જો સરહદની નજીક વિકાસ થશે તો દુશ્મનના કબજાની શક્યતા વધશે. આ શરમજનક વાત છે. બાડમેરની સરહદ કબજે કરવાનું વિચારવાની હિંમત કયા દુશ્મનમાં છે? દેશના સરહદી ગામોને આપણે પ્રથમ ગામો ગણીએ છીએ.

મોદીએ કહ્યું કે કોંગ્રેસ એવા દરેક કામનો વિરોધ કરે છે જે રાષ્ટ્રહિતમાં હોય. અમે શક્તિની પૂજા કરીએ છીએ, પરંતુ કોંગ્રેસના શહજાદે કહે છે કે તેઓ હિન્દુ ધર્મની શક્તિનો નાશ કરશે. તમે મારી માતાઓ અને બહેનોની શક્તિને જાણતા નથી. આ શક્તિનો નાશ કરનારાઓ સાથે ફક્ત મારી માતાઓ અને બહેનો જ લડી લેશે.