‘નાટુ નાટુ ફેમ ઓસ્કાર વિજેતા કીરાવાની પર શોષણનો આરોપ

મુંબઈ, ‘પદુથા થેગા’ જેવા રિયાલિટી શો માટે પ્રખ્યાત ગાયિકા પ્રવાસી આરાધ્યાએ ઓસ્કાર વિજેતા સંગીતકાર એમએમ કીરવાની, ગીતકાર ચંદ્રબોઝ અને ગાયિકા સુનિતા સહિત સંગીત ઉદ્યોગની અગ્રણી હસ્તીઓ પર ગંભીર આરોપો લગાવ્યા છે.

સોશિયલ મીડિયા પર શેર કરાયેલા એક વીડિયોમાં, પ્રવાસીએ શોના ત્રણ ન્યાયાધીશો પર અપમાનજનક ટિપ્પણીઓ અને પક્ષપાત દ્વારા ઉત્પીડનનો આરોપ લગાવ્યો.તેમણે દાવો કર્યાે હતો કે એમએમ કીરવાની તેમને કીરવાનીના ગીતો ગાય તો જ ઉચ્ચ ગુણ આપતા.

પ્રવસ્તીએ વધુમાં આરોપ લગાવ્યો કે જ્યારે તેણે લગ્નોમાં પર્ફાેર્મ કરવાનું કહ્યું, ત્યારે કીરાવાનીએ જવાબ આપ્યો કે તે આવા ગાયકોને માત્ર નાપસંદ જ નથી કરતો પણ તેમને નફરત પણ કરે છે.ચંદ્રબોઝ વિશે, પ્રવાસીએ આરોપ લગાવ્યો કે તે પણ પોતાના ગીતોથી સ્પર્ધકોની તરફેણ કરે છે જ્યારે અન્યને દૂર કરે છે. કીરવાની અને ચંદ્રબોઝ સામેના તેમના આરોપો પક્ષપાત વિશે વધુ હતા.

તેમણે ગાયિકા સુનિતા પર અપમાનજનક ટિપ્પણીઓ કરીને માનસિક રીતે હેરાન કરવાનો આરોપ લગાવ્યો.પ્રવાસીએ એવો પણ દાવો કર્યાે હતો કે શોની પ્રોડક્શન ટીમ ઘણીવાર તેના પર એવા કપડાં પહેરવાનું દબાણ કરતી હતી જેનાથી તેનું પેટ ખુલ્લું રહે. આ પછી તે ખૂબ જ અસ્વસ્થતા અનુભવતી હતી.

એમએમ કીરવાનીને એમએમ ક્રીમ તરીકે પણ ઓળખવામાં આવે છે. તેઓ એક પ્રખ્યાત ભારતીય સંગીતકાર, ગાયક અને ગીતકાર છે જેમણે તેલુગુ, હિન્દી અને અન્ય ભારતીય ભાષાઓની ફિલ્મોમાં યોગદાન આપ્યું છે.

૧૯૬૧માં જન્મેલા, કીરાવાનીએ ૧૯૯૦ના દાયકામાં પોતાની કારકિર્દીની શરૂઆત કરી હતી અને ત્યારથી તેમણે સેંકડો ફિલ્મો માટે સંગીત આપ્યું છે, જેમાં ‘બાહુબલી’ શ્રેણી અને ‘આરઆરઆર’ જેવી બ્લોકબસ્ટર ફિલ્મોનો સમાવેશ થાય છે. ‘આરઆરઆર’ ના ‘નાટુ નાટુ’ ગીત માટે, તેમને ૨૦૨૩ માં ગોલ્ડન ગ્લોબ અને ઓસ્કાર જેવા એવોર્ડ મળ્યા.SS1MS