પઠાનની આઠ દિવસમાં બોક્સ ઓફિસ પર ૬૭૦ કરોડની કમાણી

મુંબઈ,  શાહરૂખ ખાનની ફિલ્મ પઠાન માત્ર ભારતમાં જ નહિ પણ વિદેશોમાં પણ ખૂબ પસંદગી પામી રહી છે. રીલીઝના માત્ર ૮ દિવસોમાં પઠાનએ બોક્સ ઓફિસ પર ૬૭૦ કરોડની જબરદસ્ત કમાણી કરી રેકોર્ડ સર્જી દીધો છે. આ ફિલ્મ રીલીઝ પહેલા જ વિવાદોમાં આવી ગઇ હતી પરંતુ બજારમાં તેણે જે રીતે પરફોર્મન્સ આપ્યું છે અને કલેક્શન કર્યું છે તેનાથી તેના વિરોધ કરનારાઓને જડબાતોડ જવાબ મળી ગયો છે. આ ફિલ્મે રીલીઝના પહેલા જ દિવસે ૫૭ કરોડ રૂપિયાની કમાણીએ મોટાભાગના રેકોર્ડ ધરાશાયી કરી દીધા હતા.

શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર ‘પઠાન’ માત્ર ભારતમાં જ નહિ પણ ભારત બહાર પણ લોકોને ખુબ ગમી રહી છે. આ ફિલ્મે રીલીઝના માત્ર ૮ દિવસોમાં બોક્સ ઓફિસના ઘણાં મોટા રેકોર્ડ તોડી કાઢ્યા છે.

પ્રજાસત્તાકના એક દિવસ પહેલ રીલીઝ થઈ શાહરૂખ ખાનની ફિલ્મ ‘પઠાન’એ રીલીઝની સાથે જ બોક્સ ઓફિસ પર ધમાલ મચાવી હતી. આ ફિલ્મ રીલીઝના ૮ દિવસોમાં ૩૦૦ કરોડ ક્લબમાં સામેલ થવાની સાથે સાથે બોક્સ ઓફિસ પર ૩૫૦ કરોડનું કલેક્શન કર્યું છે. એક રિપોર્ટ મુજબ, ‘પઠાન’એ આઠમાં દિવસે વર્લ્ડ વાઈડ આશરે ૩૫ કરોડની કમાણી કરી છે અને ફિલ્મની કુલ કમાણી ૬૭૦ કરોડે પહોંચી ગઈ છે.
પઠાનનું વર્લ્ડ વાઈડ કલેક્શનઃ
• રિલીઝ ડે ઃ ૫૭ કરોડ રૂપિયા
• બીજાે દિવસઃ ૭૦.૫૦ કરોડ રૂપિયા
• ત્રીજાે દિવસઃ ૩૯.૨૫ કરોડ રૂપિયા
• ચોથો દિવસઃ ૫૩.૨૫ કરોડ રૂપિયા SS2.PG