PM નરેન્દ્ર મોદી નામાંકન ભરવા માટે ૧૩ મેના રોજ વારાણસી પહોંચશે

વારાણસી, વડાપ્રધાન નરેન્દ્ર મોદી ઉત્તર પ્રદેશની વારાણસી લોકસભા બેઠક પરથી સાંસદ છે. ભારતીય જનતા પાર્ટીએ આ વખતે પણ વારાણસીથી પીએમ મોદીને પોતાના ઉમેદવાર બનાવ્યા છે. છેલ્લા તબક્કા દરમિયાન વારાણસીમાં મતદાન થવાનું છે, એટલે કે ૧ જૂને વડાપ્રધાન મોદીના મતવિસ્તારમાં મતદાન થશે.

આવી સ્થિતિમાં વડાપ્રધાન નરેન્દ્ર મોદી નામાંકન ભરવા માટે ૧૩ મેના રોજ વારાણસી પહોંચશે. જોકે, તે બીજા દિવસે એટલે કે ૧૪ મેના રોજ નોમિનેશન ફાઈલ કરશે. આ પહેલા એટલે કે ૧૩ મેના રોજ પીએમ મોદી વારાણસીમાં એક વિશાળ રોડ શો કરશે.

પીએમ મોદીના રોડ શોને લઈને ભાજપના કાર્યકરો ખૂબ જ ઉત્સાહિત છે અને તૈયારીઓ શરૂ કરી દીધી છે. વારાણસીના જિલ્લા મેજિસ્ટ્રેટ વતી આ લોકસભા ચૂંટણીમાં વારાણસી બેઠક માટે અગાઉની ચૂંટણીઓની સરખામણીમાં મતદાનની ટકાવારી વધારવા માટે કામ કરવાની અપીલ કરવામાં આવી છે.