‘પુષ્પા ૨’ નું પહેલું ગીત પુષ્પા પુષ્પા રીલીઝ

મુંબઈ, પુષ્પરાજની ઉજવણી કરતાં નિર્માતાઓએ ફિલ્મનું પહેલું ગીત રિલીઝ કર્યું છે. આ ગીત ૬ ભાષાઓમાં રિલીઝ થયું છે. આ ગીત બહાર આવતાની સાથે જ દેશભરમાં પોતાનો જાદુ ચલાવવા લાગ્યો. હવે ‘પુષ્પા પુષ્પા’ ગીતનું લિરિકલ વર્ઝન બહાર આવ્યું છે, તેમાં અલ્લુ અર્જુનની ઝલક જોવા મળી શકે છે.

આ ગીતે ઇન્ટરનેટ પર ધૂમ મચાવી દીધી છે. વિડીયો પુષ્પા બ્રાન્ડની તાકાત દર્શાવે છે, જેનો સંકેત ગયા અઠવાડિયે ‘હેન્ડ ઓફ પુષ્પા’ ટીઝરમાં આપવામાં આવ્યો હતો. જે પ્રેક્ષકોને ઉત્તેજિત કરતું હતું. આ ગીત રિલીઝ થતાની સાથે એન્ટરટેઈનમેન્ટ ઈન્ડસ્ટ્રીમાં પુષ્પાનો દબદબો વધુ મજબૂત બન્યો છે.

એટલું જ નહીં, તેના જબરદસ્ત હૂક સ્ટેપથી ‘પુષ્પાઈઝમ‘ના ક્રેઝને વેગ મળ્યો છે, જે પુષ્પાઃ ધ રાઈઝના ડેબ્યૂથી પોપ કલ્ચરનો એક ભાગ બની ગયો છે.

આઇકોન સ્ટાર અલ્લુ અર્જુને ફરી એકવાર બતાવ્યું છે કે શા માટે તે દેશની દરેક ભાષા અને સરહદ પારના લોકોનો પ્રિય સ્ટાર છે અને આપણા દિલ અને દિમાગ પર રાજ કરી રહ્યો છે ‘પુષ્પાઃ ધ રાઇઝ’ના સંગીત માટે રાષ્ટ્રીય પુરસ્કાર જીતનાર મ્યુઝિક ડિરેક્ટર દેવી શ્રી પ્રસાદે ફરી એકવાર એક દમદાર ગીત બનાવ્યું છે જે હૃદયને સ્પર્શી જાય તેવું છે.

ગીતની જબરદસ્ત ટ્યુન કાનથી સીધા હૃદય સુધી પહોંચવા જઈ રહી છે અને આવનારા દિવસોમાં તે મ્યુઝિક ચાર્ટ પર પણ રાજ કરશે. ગીતોના બોલ અને ઉત્સાહપૂર્ણ સંગીત નિઃશંકપણે દર્શકોને ફિલ્મની રજૂઆત માટે ખૂબ ઉત્સુક બનાવે છે. આ ગીત તેલુગુ, તમિલ, હિન્દી, કન્નડ, મલયાલમ અને બંગાળી ભાષાઓમાં રિલીઝ કરવામાં આવ્યું છે.

દેવી શ્રી પ્રસાદે ગીતના વિવિધ સંસ્કરણો ગાવા માટે નકાશ અઝીઝ, દીપક બ્લુ, મીકા સિંહ, વિજય પ્રકાશ, રણજીત ગોવિંદ અને તિમિર બિસ્વાસ જેવા લોકપ્રિય ગાયકોને જોડ્યા છે. ‘પુષ્પા ૨ઃ ધ રૂલ’નું સંગીત ટી-સીરીઝ દ્વારા રિલીઝ કરવામાં આવ્યું છે.

‘પુષ્પા ૨ઃ ધ રૂલ’ ૧૫ ઓગસ્ટ, ૨૦૨૪ના રોજ વિશ્વભરના સિનેમાઘરોમાં રિલીઝ થશે. તેનું નિર્દેશન સુકુમાર દ્વારા કરવામાં આવ્યું છે અને મશ્રી મૂવી મેકર્સ દ્વારા નિર્મિત કરવામાં આવ્યું છે. ફિલ્મની મુખ્ય સ્ટાર કાસ્ટમાં અલ્લુ અર્જુન, રશ્મિકા મંદન્ના અને ફહદ ફાઝીલનો સમાવેશ થાય છે. ફિલ્મ જોયા બાદ દર્શકો ખૂબ જ ઉત્સાહિત છે.SS1MS