ઉ. ભારતના કેટલાંક સ્થળે વરસાદ, રાજસ્થાનમાં ભીષણ ગરમીનો પ્રકોપ

નવી દિલ્હી, દેશના ઘણા વિસ્તારો ભારે ગરમીનો સામનો કરી રહ્યા છે તો અનેક ભાગોમાં હવામાનની પેટર્ન બદલાઈ છે. ગુરુવારે ઉત્તર ભારતના કેટલાક ભાગોમાં વાવાતોડા ઉપરાંત વરસાદ પડ્યો હતો. જ્યારે કેટલાક ભાગોમાં ગરમીનો પ્રકોપ ચાલુ રહ્યો હતો. હિમાચલ પ્રદેશમાં તાડ પડવાથી એકનું મોત થયું હતું, જ્યારે રાજસ્થાનના બિકાનેરમાં ૪૫ ડિગ્રી સેલ્સિયસ તાપમાન નોંધાયું હતું.

હિમાચલ પ્રદેશમાં ઘણા ભાગોમાં વાવાતોડા અને કરા સાથે ભારે વરસાદ પડ્યો હતો. જેના કારણે વૃક્ષો ઉખડી ગયા હતા અને શિમલા સહિત ઘણા વિસ્તારોમાં વીજ પુરવઠો ખોરવાયો હતો.શિમલાના લાહૌલ-સ્પિતિના ગોંડલામાં એક સેમી બરફ પડ્યો હતો.

હવામાન વિભાગે ૧૨ જિલ્લાઓમાં વાવાતોડા, વીજળી અને તોફાની પવન ફૂંકવાની ચેતવણી આપી છે.રાષ્ટ્રીય રાજધાનીમાં ગરમીથી ખાસ રાહત મળી ન હતી. અહીં ગુરુવારે મહત્તમ તાપમાન ૪૦.૬ ડિગ્રી સેલ્સિયસને સ્પર્શ્યું હતું.SS1MS