રકુલનુ મુંબઈમાં આલિશાન ઘર, લક્ઝરિયસ કાર કલેક્શન
મુંબઈ, સાઉથ ફિલ્મ ઈન્ડસ્ટ્રી બાદ બોલિવૂડમાં પોતાની એક્ટિંગ Âસ્કલ ફેલાવનાર અભિનેત્રી રકુલ પ્રીત સિંહ બહુ જલ્દી દુલ્હન બનવા જઈ રહી છે. એવા અહેવાલો છે કે અભિનેત્રી તેના બોયફ્રેન્ડ અને ફિલ્મ નિર્માતા જેકી ભગનાની સાથે આ વર્ષે ૨૨ ફેબ્રુઆરીએ લગ્ન કરવા જઈ રહી છે.
રકુલ પ્રીત સિંહે બોલીવુડની ઘણી ફિલ્મોમાં ઘણા દિગ્ગજ સ્ટાર્સ સાથે કામ કર્યું છે. રકુલ પ્રીત સિંહનું ફિલ્મી કરિયર સફળ રહ્યું છે અને આજે આ અભિનેત્રી કરોડો રૂપિયાની માલિક છે. તેની પાસે ઘણા શહેરોમાં પ્રોપર્ટી છે અને તેની પાસે લક્ઝુરિયસ કારનું અદ્ભુત કલેક્શન પણ છે. રકુલ પ્રીતની નેટવર્થની વાત કરીએ તો લાઈફસ્ટાઈલ એશિયાના રિપોર્ટ અનુસાર, અભિનેત્રી ૪૯ કરોડ રૂપિયાની માલિક છે.
જેમાં બાંદ્રા, મુંબઈમાં તેનું ઘર અને હૈદરાબાદ અને દિલ્હીમાં પ્રોપર્ટી સામેલ છે. રકુલ પ્રીત સિંહ પાસે હૈદરાબાદના પોશ વિસ્તાર જુબિલી હિલ્સમાં 3BHK ઘર છે, જેની કિંમત ૩ કરોડ રૂપિયા હોવાનું કહેવાય છે. આ સિવાય તેની પાસે મુંબઈના બાંદ્રામાં ઘર અને વિજાંગમાં કેટલીક પ્રોપર્ટી છે. અભિનેત્રી પાસે કારનું અદ્ભુત કલેક્શન પણ છે જેમાં મર્સિડીઝ બેન્ઝ GLE (રૂ. ૧ કરોડ), રેન્જ રોવર સ્પોર્ટ્સ (રૂ. ૭૦ લાખ), BMW 520d (રૂ. ૭૫ લાખ)નો સમાવેશ થાય છે.
આ સિવાય તેની પાસે Audi Q3 પણ છે, જેની કિંમત ૩૫ લાખ રૂપિયા છે અને Mercedes-Maybach GLS600૦ છે, જેની કિંમત ૨.૯૬ કરોડ રૂપિયાથી વધુ છે. તમને જણાવી દઈએ કે રકુલ પ્રીતે વર્ષ ૨૦૧૪માં ફિલ્મ ‘યારિયાં’થી બોલિવૂડમાં ડેબ્યૂ કર્યું હતું.
આ પછી તે ‘સરદાર કા ગ્રેન્ડસન’, ‘શિમલા મિર્ચી’, ‘આઈ લવ યુ’, ‘રનવે ૩૪’, ‘ડૉક્ટર જી’, ‘છત્રીવાલી’ અને ‘દે દે પ્યાર દે’ જેવી ઘણી ફિલ્મોમાં જોવા મળી. આ પહેલા રકુલ પ્રીત સાઉથ ફિલ્મ ઈન્ડસ્ટ્રીની જાણીતી અભિનેત્રી હતી અને તેણે ઘણી ફિલ્મોમાં પણ કામ કર્યું હતું.SS1MS
