દીકરી સાથે મમ્મીના ઘરે શિફ્ટ થશે રામની પત્ની ઉપાસના

મુંબઈ, સાઉથ મેગાસ્ટાર રામ ચરણ અને પત્ની ઉપાસના કામિનેની પેરેન્ટ્‌સ ક્લબમાં સામેલ થઈ ગયા છે. લગ્નજીવનના ૧૧ વર્ષ બાદ ૨૦ જૂન ૨૦૨૩ના રોજ કપલને ત્યાં દીકરીનો જન્મ થયો. શુક્રવારે મા અને બાળકને હોસ્પિટલમાંથી ડિસ્ચાર્જ કરવામાં આવ્યા હતા.

દીકરી ૨૧ દિવસની થશે પછી જ તેનું નામકરણ કરવામાં આવશે તેવો ખુલાસો એક્ટરે મીડિયા સાથેની વાતચીતમાં કર્યો હતો, તેવામાં ન્યૂ બોર્નને બધા લાડથી ‘મેગા પ્રિન્સેસ’ કહીને બોલાવે છે. રામ ચરણના લાખો ફેન્સ છે, જેઓ પરિવારમાં હાલમાં આવેલા નાનકડા સભ્ય વિશેની એક-એક અપડેટ જાણવા માટે આતુર રહે છે. મા-બાપ બન્યા બાદ તરત જ તેઓ પિતા ચિરંજીવીના ઘરમાં શિફ્ટ થયા હતા અને હવે લેટેસ્ટ ખબર પ્રમાણે, ઉપાસના તેની દીકરી સાથે પિયર રહેવા જવાની છે.

પિંકવિલાના રિપોર્ટ પ્રમાણે, રામ ચરણની પત્ની ઉપાસના કામિનેની નવજાત દીકરી સાથે મમ્મીના ઘરે શિફ્ટ થવાની તૈયારી કરી રહી છે. કપલ કે તેમના પરિવાર તરફથી હજી સુધી આ અંગે કોઈ જ ઓફિશિયલ જાહેરાત કરવામાં આવી નથી. પરંતુ રિપોર્ટમાં દાવો કરવામાં આવ્યો છે કે, મોઈનાબાદમાં આવેલા મમ્મીના ઘરે ઉપાસના દીકરી સાથે થોડા સમય માટે શિફ્ટ થશે.

જણાવી દઈએ કે, રામ ચરણ અને ઉપાસનાના ઘરે જ્યારે દીકરીનો જન્મ થયો ત્યારે તેમના ચાહકોએ હોસ્પિટલ બહાર ફટાકડા ફોડ્યા હતા, ઢોલ વગાડ્યો હતો અને મીઠાઈ પણ વહેંચી હતી. જે બાદ બંનેને જ્યારે હોસ્પિટલથી ડિસ્ચાર્જ કરવામાં આવી ત્યારે ચિરંજીવીના ઘરે તેમનું ગ્રાન્ડ વેલકમ કરાયું હતું. ૨૪ જૂને ઉપાસનાએ ઈન્સ્ટાગ્રામ હેન્ડલ પર પહેલો ફેમિલી ફોટો શેર કર્યો હતો. જેમાં રામ ચરણે પાલતુ શ્વાનને હાથમાં રાખ્યો હતો, જ્યારે ઉપાસનાએ દીકરીને ખોળામાં રાખી હતી.

તેનો ચહેરો છુપાવવામાં આવ્યો હતો. આ સાથે તેણે લખ્યું હતું ‘અમારી નાનકડી ઢીંગલીનું ઉષ્માભર્યું સ્વાગત જાેઈ ભાવવિખોર થઈ ગઈ. પ્રેમ અને આશીર્વાદ માટે આભાર. ઉપાસાનાને ડિસ્ચાર્જ કરાયા બાદ રામ ચરણે મીડિયા સાથે વાત કરી હતી અને હોસ્પિટલના સ્ટાફનો આભાર માન્યો હતો. તેણે કહ્યું હતું કે ‘ડોક્ટરોના સપોર્ટને હું ક્યારેય નહીં ભૂલી શકું’.

આ સાથે તેણે ફેન્સ, શુભચિંતકો તેમજ મિત્રો માટે પણ તેમની પ્રાર્થના માટે કૃતજ્ઞતા વ્યક્ત કરી હતી. તેણે કહ્યું હતું કે ‘હું મારા ફેન્સ અને દર્શકો માટે નસીબદાર છું. આશા રાખું છું કે આટલો જ પ્રેમ મારી દીકરીને મળશે’. જ્યારે દીકરીના નામ વિશે પૂછવામાં આવ્યું તો તેણે કહ્યું હતું કે ‘અમે અમારી દીકરીનું નામ તે ૨૧ દિવસની પછી રાખીશું. મેં અને ઉપાસનાએ નામ નક્કી કરી લીધું છે.

અમે ચોક્કસથી સમય આવ્યે તમને જણાવીશું. અમે આ ક્ષણ માટે છેલ્લા ઘણા સમયથી રાહ જાેઈ રહ્યા હતા. નાનકડી ઢીંગલી અમારા ઘરે આવી તેની બધાને ખુશી છે. હું દીકરી માટેની મારી ખુશી અને ઉત્સાહને શબ્દોમાં વર્ણવી શકતો નથી. વર્ક ફ્રંટની વાત કરીએ તો, રામ ચરણ ખૂબ જલ્દી ફિલ્મ ઇઝ્ર ૧૫માં જાેવા મળશે, જેમાં તેની ઓપોઝિટમાં કિયારા અડવાણી છે.

એક્ટર છેલ્લે એસએસ રાજામૌલીની ફિલ્મ ઇઇઇમાં દેખાયો હતો, જે બોક્સઓફિસ પર ખૂબ જ હિટ રહી હતી. આટલું જ નહીં તેના સોન્ગ ‘નાટુ નાટુ’ને ઓસ્કાર એવોર્ડ પણ મળ્યો હતો. બીજી તરફ, ઉપાસના આંત્રપ્રિન્યોર છે અને અપોલો ફાઉન્ડેશનની વાઈસ ચેરપર્સન છે.SS1MS