પાક. સાથે રશિયાનો સ્ટીલ પ્રોજેક્ટ માટે રૂ.૨૨,૦૦૦ કરોડનો કરાર

ઇસ્લામાબાદ, ભારત-પાકિસ્તાન વચ્ચે ચાલી રહેલા તણાવની વચ્ચે રશિયાએ પાકિસ્તાનની સાથે એક મહત્વપૂર્ણ આર્થિક સમજૂતી કરી છે. આ અંદાજિત ૨.૬ બિલિયન ડોલર (અંદાજે રૂપિયા ૨૨૦૦૦ કરોડ)ની ડીલ અંતર્ગત કરાંચીમાં એક આધુનિક સ્ટીલ પ્લાન્ટનું નિર્માણ થશે.

આ સમજૂતી દ્વારા ૨૦૧૫થી બંધ પડેલા સોવિયત યુનિયન-નિર્મિત પાકિસ્તાન સ્ટીલ મિલ્સ(પીએસએમ)ને ફરીથી ઊભો કરવામાં આવશે. રશિયા દ્વારા પાક. સાથેના આ પ્રોજેક્ટના અહેવાલને ફગાવી દેવામાં આવ્યા હતા. રશિયા-પાકિસ્તાનની વચ્ચે આ સમજૂતી કરાચીમાં બંધ પડેલા સ્ટીલ પ્લાન્ટને ફરીથી ઊભો કરવા માટે છે.

આ પ્લાન્ટને ૧૯૭૦ના દાયકામાં સોવિયત યુનિયનની મદદથી સ્થાપિત કરાયો હતો. આ પ્લાન્ટ ૧૯૯૨ સુધી ચાલુ રહ્યો હતો. પરંતુ આર્થિક અને ટેકનોલોજી સંબંધિત કારણોને લીધે છેવટે ૨૦૧૫માં પ્લાન્ટને બંધ કરવામાં આવ્યો હતો.

નવી સમજૂતી અંતર્ગત, રશિયા સ્ટીલ બનાવવા માટેની સૌથી એડવાન્સ ટેકનોલોજી વાળા મશીનો પાકિસ્તાનન આપશે, જેનાથી પાકિસ્તાનની સ્ટીલ આયાત પરની નિર્ભરતામાં ૩૦ ટકાનો ઘટાડો થવાની આશા છે.

આ પ્રોજેક્ટનો ઉદ્દેશ્ય પાકિસ્તાનને ૧૧.૨ મિલિયન મેટ્રિક ટન સ્ટીલ ખપતના અંતરને ઓછું કરવાનો છે, આ માટે પાકિસ્તાનને પ્રતિ વર્ષ ૨.૬ બિલિયન ડોલરની આયાત કરવી પડે છે. માર્ચ ૨૦૨૫માં જ આયાત કરાયેલા સ્ક્રેપ અને અર્ધ-તૈયાર ઉત્પાદોનો ખર્ચ ૩૨૪ મિલિયન ડોલર હતો.SS1MS