રશિયાએ યુક્રેનના ૩૦ થી વધુ શહેરો પર મોટો હુમલો કર્યો

મોસ્કો, શુક્રવાર અને શનિવારે રાત્રે રશિયાએ યુક્રેનના ૩૦ થી વધુ શહેરોપર હુમલો કર્યો છે. આ હુમલામાં ૧૨ થી વધુ લોકોએ જીવ ગુમાવ્યા અને ઘણા ઘાયલ થયા. યુક્રેનના રાષ્ટ્રપતિ ઝેલેન્સકીએ એક કડક નિવેદન જારી કરીને આ હુમલાની નિંદા કરી અને આંતરરાષ્ટ્રીય સમુદાય પાસેથી તાત્કાલિક પગલાં લેવાની માંગ કરી.

ઝેલેન્સકીએ પોસ્ટ કરી કહ્યું, અમારી આપાતકાલીન ટીમો જમીન પર કામ કરી રહી છે, જ્યાં જરૂર હોય ત્યાં લોકોને રાહત પૂરી પાડે છે. હું તેમના સમર્પણ બદલ તેમનો આભાર માનું છું.

Russia launched hundreds of drones, cruise missiles, and ballistic missiles into Ukrainian cities and communities during the night, injuring and killing people, including at least three children.

ઝેલેન્સકીએ આગળ લખ્યું કે રશિયન હુમલાની તીવ્રતાનો અંદાજ એ વાત પરથી લગાવી શકાય છે કે રશિયાએ એક જ રાતમાં લગભગ ૩૦૦ હમલાવર ડ્રોનથી હુમલો કર્યો. આમાંના મોટાભાગના ઈરાની બનાવટના ડ્રોન હતા, જેને યુક્રેનિયન ક્ષેત્રમાં મોકલવામાં આવ્યા હતા. આ સાથે રશિયાએ લગભગ ૭૦ બેલિસ્ટિક અને ક્રુઝ મિસાઇલોથી વિવિધ શહેરો પર હુમલો કર્યો.

યુક્રેનના રાષ્ટ્રપતિ ઝેલેન્સ્કીના જણાવ્યા મુજબ, રશિયન હુમલાના મુખ્ય લક્ષ્યો રાજધાની કીવ સહિત ઝાયટોમીર, ખેમેલનિત્સકી, ટેરનોપિલ, ચેર્નિહિવ, સુમી, ઓડેસા, પોલ્ટાવા, નીપર, માયકોલાઈવ, ખાર્કીવ અને ચર્કાસી પ્રદેશો હતા. મોટાભાગના હુમલાઓ સીધા નાગરિક વિસ્તારો સામે થયા હતા. કિવમાં યુનિવર્સિટીના છાત્રાવાસને પણ નિશાન બનાવવામાં આવ્યા હતા, જેના કારણે વિદ્યાર્થીઓમાં ગભરાટ ફેલાયો હતો.