સારા અલી ખાન BJP નેતાના પુત્ર સાથે વેકેશન માણતી જોવા મળી

મુંબઈ, બોલિવૂડ અભિનેત્રી સારા અલી ખાન હાલમાં તેની ફિલ્મ ‘સ્કાઈ ફોર્સ’ લઈને ચર્ચામાં છે. જો કે દર્શકોએ તેના પરફોર્મન્સને કંઈ ખાસ પસંદ કર્યું નથી.

આ દરમિયાન સારા અલી ખાન કોઈ વ્યક્તિને ડેટિંગ કરી રહી છે. તે ચર્ચાએ જોર પકડ્યું છે. જો કે હજુ સુધી સારાએ પોતાના રિલેશનશીપની સત્તાવાર જાહેરાત કરી નથી. હકીકતમાં સારા અર્જુન બાજવાને ડેટ કરી રહી છે તેવી અફવા ઊડી રહી છે. જો કે તેઓએ આ અફવાઓની નકારી કાઢી હતી. હાલમાં જ રાજસ્થાનમાં ફરતા બંનેની તસવીરો સોશિયલ મીડિયા પર વાઈરલ થઇ રહી છે.

સોશિયલ મીડિયા પરના એક વીડિયોમાં સારા અને અર્જુન સાથે જોવા મળી રહ્યા છે. દાવો કરવામાં આવી રહ્યો છે કે આ વીડિયો ગોવાનો છે. જ્યાં બંને રજાઓ માણવા ગયા છે. આ વીડિયોમાં સારા અલી ખાન વ્હાઈટ ટીશર્ટની સાથે ડેનીમ શોટ્‌ર્સમાં જોવા મળી હતી.

જયારે વ્હાઈટ ટીશર્ટ અને પેન્ટમાં અર્જુન બાજવા જોવા મળ્યો હતો. સારા અર્જુન પાસે આવે છે અને તેના કમર પર હાથ રાખીને કંઈક કહેતી હોય તેવું જોવા મળી રહ્યું છે. વીડિયો કોઈ કાફેમાં શૂટ કરવામાં આવ્યો હોય તેવું લાગી રહ્યું છે.

આ વીડિયોમાં સારા અલી ખાન અને અર્જુન બાજવા વચ્ચે નિકટતા સ્પષ્ટપણે દેખાઈ રહી છે. આ જોઇને લાગી રહ્યું છે કે બંને વચ્ચે નજીકના સંબંધો છે. હવે આ વીડિયો પર લોકો પોતાની પ્રતિક્રિયા આપી રહ્યા છે. એક વ્યક્તિએ લખ્યું હતું કે, ‘આ અર્જુન બાજવા છે કે બીજું કોઈ?’ અન્ય વ્યક્તિએ કહ્યું હતું કે, ‘અરે આ તો એ જ છોકરો છે કે જેની સાથે સારા કેદારનાથ ગઈ હતી.’SS1MS