શાહરૂખ ખાન ‘કિંગ’માં પહેલી વખત પ્રોફેશનલ કિલરના રોલમાં
મુંબઈ, શાહરૂખની કોઈ ફિલ્મ રિલીઝ થતાં જ તેના ફૅન્સ ઉત્સાહમાં આવી જાય છે અને તેમના માટે શાહરૂખની ફિલ્મ કોઈ તહેવાર સમાન હોય છે. પરંતુ કિંગ ખાનની આવનારી ફિલ્મ ‘કિંગ’ માટે તેના ફૅન્સ અન્ય ફિલ્મો કરતાં વધુ ઉત્સાહીત છે, કારણ કે આ ફિલ્મમાં તેની સાથે દિકરી સુહાના પણ હશે. સુજોય ઘોષની આ ફિલ્મથી સુહાના મોટા પડદે ડેબ્યુ કરી રહી છે.
જ્યારે પહેલી વખત આ ફિલ્મની જાહેરાત થઈ ત્યારે લોકો એવું માની રહ્યાં હતાં કે આ ફિલ્મમાં સુહાના અને શાહરૂખ પિતા-પુત્રીના રોલમાં જ હશે.
જોકે, હવે આ વાત અફવા લાગી રહી છે. કેટલાંક અહેવાલો અનુસાર આ ફિલ્મમાં શાહરૂખ સુહાનાના પિતાના રોલમાં નહીં પણ એક પ્રોફેશનલ કિલરના રોલમાં જોવા મળશે. જ્યારે સુહાના એક એવી છોકરીના રોલા હશે, જે પોતાનો પરિવાર ગુમાવી ચૂકી છે અને હવે શાહરૂખ તેની રક્ષા કરી રહ્યો છે.
આ ફિલ્મની વાર્તા અને પાત્રો ૧૯૯૪માં આવેલી અંગ્રેજીમાં બનેલી ળેન્ચ ફિલ્મ ‘લિઓનઃ ધ પ્રોફેશનલ’ પરથી પ્રેરિત છે. આ અંગે સૂત્રએ જણાવ્યું,“આ સંપુર્ણપણે લિઓનની વાર્તા નથી. પરંતુ હા આ ફિલ્મનો બેઝિક પ્લોટ તેનાથી ચોક્કસ પ્રેરિત છે. શાહરૂખ ખાન પણ તેની દિકરી સાથે પિતાની ભુમિકામાં ન હોય તેવી ફિલ્મ કરવા ઉત્સાહીત હતો.
આ ફિલ્મમાં લિઓનની વાર્તાને અલગ રીતે રજૂ કરવામાં આવી છે.”આમ આ ફિલ્મમાં પહેલી વખત શાહરૂખ એવા અવતારમાં જોવા મળશે જેની કોઈએ કલ્પના પણ કરી નહોતી.
છેલ્લે ૨૦૨૩માં તેની ફિલ્મો ‘જવાન’ અને ‘પઠાણ’ આવી હતી. બંને ફિલ્મો સફળ થઈ હતી, તેથી હવે દર્શકોને શાહરૂખની ફિલ્મ પાસે ઘણી અપેક્ષાઓ છે. ‘ધ આર્ચિઝ’માં ડેબ્યુ કર્યા બાદ હવે બધાની નજર સુહાનાની એક્ટિંગ પર હશે.SS1MS
