શાહરુખ-કાજોલની સુપરહિટ ફિલ્મની સિક્વલ બનશે

મુંબઈ, શાહરૂખ ખાનની ફિલ્મ બાઝીગરને રિલીઝ થયાને ૩૧ વર્ષ થઈ ગયા છે. હવે તેની સિક્વલના સમાચાર છે. નિર્માતા રતન જૈને કહ્યું કે આ અંગે શાહરૂખ ખાન સાથે વાતચીત ચાલી રહી છે પરંતુ હજુ સુધી કોઈ નક્કર સ્ક્રિપ્ટ કે પ્લાન તૈયાર કરવામાં આવ્યો નથી.

નિર્માતાનો ઇરાદો છે કે શાહરૂખ લીડ રોલમાં હશે તો જ વાત આગળ વધશે. પરંતુ આ ફિલ્મ આજના જમાના પ્રમાણે નવા ફ્લેવરમાં બનાવવામાં આવશે.બાઝીગરના નિર્માતા તેનો ભાગ ૨ બનાવવાની યોજના બનાવી રહ્યા છે. આ માટે તે એવી સ્ક્રિપ્ટ શોધી રહ્યા છે જે રોમાંચક હોય.

તેનું ડાયરેક્શન પણ ળેશ રાખવા માંગે છે. નિર્માતા રતન જૈને કહ્યું, ‘અમે બાઝીગર ૨ વિશે શાહરુખ ખાન સાથે વાત કરતા રહીએ છીએ પરંતુ હજુ સુધી કંઈ ખાસ થયું નથી. પરંતુ તે ચોક્કસપણે બનાવવામાં આવશે.બાઝીગર ફિલ્મ વર્ષ ૧૯૯૩માં બની હતી. જેમાં શાહરૂખ ખાન લીડ રોલમાં હતો.

તેના પાત્રમાં નકારાત્મક શેડ્‌સ હતા. આ ફિલ્મમાં કાજોલ અને શિલ્પા શેટ્ટી હતાં. શિલ્પાની આ પહેલી હિન્દી ફિલ્મ હતી.આ ફિલ્મમાં શાહરૂખ ખાને વિકી મલ્હાત્રાનો રોલ કર્યાે છે. તે મદન ચોપરા (દલીપ તાહિલ) પાસેથી તેના પિતાના વિશ્વાસઘાત અને મૃત્યુનો બદલો લે છે.

તે મદનની બે દીકરીઓના પ્રેમમાં હોવાનો ડોળ કરે છે. સીમા (શિલ્પા શેટ્ટી)ની હત્યા એવી રીતે કરવામાં આવે છે કે લોકોને લાગે છે કે તે આત્મહત્યા છે. તે મદન ચોપરાનો વિશ્વાસ જીતીને બિઝનેસ પણ સંભાળે છે. બાઝીગર લગભગ ૪ કરોડ રૂપિયાના બજેટમાં બની હતી. તેની કુલ કમાણી ૩૨ કરોડ હતી અને ભારતમાં ચોખ્ખી કમાણી ૧૫ કરોડ હતી.SS1MS