શ્રીલંકાના રાષ્ટ્રપતિ ગોટાબાયા રાજપક્ષે પત્ની અને સુરક્ષા કર્મી સાથે દેશ છોડીને ભાગ્યા

નવીદિલ્હી, છેલ્લા કેટલાક સમયથી આર્થિક સંકટમાં ઘેરાયા બાદ શ્રીલંકા છેલ્લા કેટલાક સમયથી રાજકીય સંકટનો સામનો કરી રહ્યું છે. આર્થિક સંકટ પછી શ્રીલંકામાં હંગામો અટકવાનું નામ નથી લઈ રહ્યો. ભૂતકાળમાં, શ્રીલંકામાં વિરોધીઓ રાષ્ટ્રપતિ ગૃહને કબજે કરતા અને તોડફોડ કરતા જાેવા મળ્યા હતા.

આ દરમિયાન સૌથી મોટો સવાલ એ ઊભો થયો કે રાષ્ટ્રપતિ ગોટાબાયા રાજપક્ષે શ્રીલંકામાં પોતાનું રાષ્ટ્રપતિ નિવાસ છોડીને ક્યાં ગયા છે. શ્રીલંકાના એક સ્થાનિક મીડિયા હાઉસ અનુસાર, રાષ્ટ્રપતિ ગોટાબાયા રાજપક્ષે ૫ જુલાઈથી ગુમ હોવાનું કહેવાય છે. દરમિયાન, સમાચાર એજન્સી એએફપીએ શ્રીલંકાના રાષ્ટ્રપતિ ગોટાબાયા રાજપક્ષેના માલદીવ જવાની પુષ્ટિ કરી છે.

હકીકતમાં, એએફપી અનુસાર, દાવો કરવામાં આવી રહ્યો છે કે સ્થાનિક અધિકારીઓ પાસેથી મળેલી માહિતી અનુસાર, શ્રીલંકાના રાષ્ટ્રપતિ ગોટાબાયા રાજપક્ષે આજે વહેલી સવારે એક સૈન્ય વિમાનમાં દેશમાંથી ઉડાન ભરી છે. એએફપીના એક અહેવાલમાં દાવો કરવામાં આવ્યો છે કે રાષ્ટ્રપતિ ગોટાબાયા રાજપક્ષે તેમની વિરુદ્ધ વ્યાપક વિરોધ પ્રદર્શન બાદ પાડોશી દેશ માલદીવ ચાલ્યા ગયા છે.

ઇમિગ્રેશન અધિકારીઓએ માહિતી આપી છે કે શ્રીલંકાના રાષ્ટ્રપતિ ગોટાબાયા રાજપક્ષે બુધવારે વહેલી સવારે સેનાના એન્ટોનોવ-૩૨ વિમાનમાં માલદીવ જવા રવાના થયા છે. ઇમિગ્રેશન અધિકારીઓએ જણાવ્યું હતું કે એન્ટોનોવ-૩૨ પ્લેનમાં ગોટાબાયા રાજપક્ષે, તેમની પત્ની અને બે અંગરક્ષક હતા.

કહેવામાં આવી રહ્યું છે કે શ્રીલંકામાં પ્રદર્શનને કારણે રાષ્ટ્રપતિ ગોટાબાયા રાજપક્ષે ધરપકડનો ડર સતાવી રહ્યા હતા. આવી સ્થિતિમાં તેઓ રાષ્ટ્રપતિ તરીકે દેશની બહાર જવાનો પ્રયાસ કરી રહ્યા હતા. કારણ કે રાજપક્ષેને રાષ્ટ્રપતિ તરીકે ધરપકડમાંથી મુક્તિ આપવામાં આવી છે. આથી અટકાયતની શક્યતાને ટાળવા માટે તે ઓફિસ છોડતા પહેલા વિદેશ જવા માંગતા હતા.HS1MS