‘પુષ્પા ૨’માં શ્રીલીલાએ સામંથાને રીપ્લેસ કરી

મુંબઈ, અલ્લુ અર્જુન અને રશ્મિકા મંદાનાની ‘પુષ્પા’ની સીક્વલ ૫ ડિસેમ્બરે રિલીઝ થઈ રહી છે. ‘પુષ્પા’માં અલ્લુ અર્જુન જેટલાં જ વખાણ સામંથા રૂથ પ્રભુના સ્પેશિયલ ડાન્સ ‘ઊ અંટ્‌વા’ના થયા હતા. બ્લોકબસ્ટર ફિલ્મની સીક્વલમાં સ્પેશિયલ સોન્ગ કરવા સામંથાએ ઈનકાર કર્યાે હતો.

લાંબી મથામણ પછી મેકર્સે સ્પેશિયલ સોન્ગ માટે શ્રીલીલાની પસંદગી કરી છે.‘પુષ્પાઃ ધ રૂલ’ની રિલીઝ પૂર્વે સ્પેશિયલ સોન્ગ એનાઉન્સ થયું છે. મેકર્સે આખું ગીત શેર કરવાના બદલે તેનું પોસ્ટર સોશિયલ મીડિયા પર પોસ્ટ કર્યું છે. કેપ્શનમાં જણાવાયું છે કે, ડાન્સિંગ ક્વિન શ્રીલીલા ‘કિસિક’ સોન્ગ ઓફ ધ યર માટે બોર્ડ પર આવી ગઈ છે.

આ સોન્ગ ડાન્સ અને મ્યૂઝિકનો ગજબ આનંદ આપશે. ૫ ડિસેમ્બરે ‘પુષ્પા ૨- ધ રૂલ’ની વર્લ્ડવાઈડ રિલીઝ છે. ‘પુષ્પા’માં સ્પેશિયલ ડાન્સ વગર મસાલા ફિલ્મનું મનોરંજન અધૂરું રહેતું હોવાનું મેકર્સને પણ લાગતું હતું. તેથી તેમણે શરૂઆતમાં નવો અખતરો કરવાના બદલે સામંથા રૂથ પ્રભુ પાસે જ ગીત કરાવવાનો આગ્રહ રાખ્યો હતો.

આ ફિલ્મ આવી તે સમયે સામંથા પોતાના અંગત જીવનની સમસ્યાઓમાં ઘેરાયેલી હતી. આ ગીતથી તેને નવી ઓળખ મળી હતી, પરંતુ સામંથાને પોતાની ઓળખ એક્ટર તરીકે ઊભી કરવી હતી. દરમિયાન તેની બીમારી અને સારવાર માટે લાંબા બ્રેકનો સમયગાળો પણ આવી ગયો. સામંથાને રાજી કરવાના પ્રયાસો સફળ ન રહેતા મેકર્સે સાઉથની પોપ્યુલ એક્ટ્રેસ શ્રીલીલાને પસંદ કરી હતી.

શ્રીલાલાના સ્પેશિયલ સોન્ગ બાબતે સમગ્ર ટીમે લાંબો સમય ચૂપકિદી રાખી હતી, પરંતુ હવે ફિલ્મની રિલીઝ ડેટ નજીક આવી રહી હોવાથી ઉત્સુકતા ઊભી કરવા સસ્પેન્સ પરથી પડદો ઊંચકાયો છે. પોસ્ટરમાં શ્રીલીલાને જોતાં તેણે પણ સામંથા જેવો જ ગ્લેમરસ ડાન્સ કર્યાે હોવાનું જણાય છે.

‘પુષ્પા ૨’માં અલ્લુ અર્જુનને ચંદન ચોર ગેંગનો સરદાર બતાવાયો છે. તેની સાથે રશ્મિકા મંદાના યથાવત છે. જ્યારે જૂનો બદલો લેવા પોલીસ ઓફિસરના રોલમાં ફહાદ ફાસિલે મોરચો માંડેલો છે. સુકુમારના ડાયરેક્શનમાં બનેલી આ ફિલ્મને વર્ષની સૌથી મોટી બ્લોકબસ્ટર બનાવવા મેકર્સ પ્રયાસ કરી રહ્યા છે.SS1MS