લાયન્સ ક્લબ ઓફ બલસાર દ્વારા શેરી ગરબા સ્પર્ધા યોજાઇ

(પ્રતિનિધિ) વલસાડ,લાયન્સ ક્લબ ઓફ બલસાડ દ્વારા વલસાડ તાલુકામાં વસવાટ કરતા સમગ્ર નાગરિક માટે શનિવાર તા. ૦૮/૧૦/૨૦૨૨ ના રોજ શેરી ગરબા સંપર્ધા નું આયોજન કરવામાં આવેલ હતું લ. જેમાં કુલ ૩૩ ટીમો એ ભાગ લીધેલ હતો. શ્રી પાર્ટી પ્લોટ ખાતે યોજાયેલ સમગ્ર સ્પર્ધા માં રોશની ના ઝગમગાત તથા પરંપરાગત ગરબા એ રમઝટ જમાવી હતી. જેને માનવા માટે ખુબ જ મોટી સંખ્યામાં મેદની હાજર રહી હતી.

આ પ્રસંગ ને સફળતાપૂર્વક પાર પાડવા PMCC-MJF લા. જશવિકાબેન દેસાઈ ના માર્ગદર્શન હેઠળ તથા ક્લબ ના પ્રમુખશ્રી કાર્તિકભાઈ દેસાઈ, સેક્રેટરી શ્રીમતિ મૈત્રી દેસાઈ તથા ટ્રેઝરરશ્રી અભિલાશભાઈ દેસાઈ તથા ક્લબ ની સમગ્ર ટીમ દ્વારા તનતોડ મહેનત કરી આ સંપર્ધા ને સફળ બનાવી હતી.

આ સ્પર્ધા માં મહિલા વિભાગ માં પ્રથમ ઇનામ અનાવિલ સહેલી વૃંદ પાલીહીલ અને પુરુષ વિભાગ માં રામલાલા – વલસાડ પારડી અને બાળ વિભાગ માં કુસુમ વિદ્યાલય – વલસાડ તથા મિક્સ વિભાગ માં શખાવૃંદ આર એમ પાર્ક પ્રથમ ક્રમે રહ્યા હતા. આ સ્પર્ધા દરમ્યાન ડિસ્ટ્રિક્ટ ગવૅર્નરશ્રી મુકેશભાઈ પટેલ, ડિસ્ટ્રિક્ટ સેક્રેટરીશ્રી પ્રેમલસિંહ ચૌહાણ,૧st VDG શ્રી દિપકભાઈ પખાવે, 2nd VDG શ્રી પરેશભાઈ પટેલ તથા ZC પીકેશ પટેલ તથા RC ખુશ્મન ઢીમરની હાજરી નોંધાવી હતી.