ઓસ્ટ્રેલિયામાં ભણવા સ્ટુડન્ટે હવે વધારે બચત કરવી પડશે

કેનબેરા, ભારતીયોમાં અત્યારે ફોરેન એજ્યુકેશનનો ક્રેઝ વધ્યો છે. મોટા ભાગના ભારતીય સ્ટુડન્ટ્‌સ અમેરિકા, કેનેડા, યુકે અથવા ઓસ્ટ્રેલિયામાં હાયર એજ્યુકેશન માટે જવાનું પસંદ કરે છે. આ દેશોમાં સ્ટુડન્ટ વિઝાના નિયમોમાં પણ ફેરફાર થતા રહે છે. તાજેતરમાં ઓસ્ટ્રેલિયાએ નિયમો જે રીતે બદલ્યા છે જેના કારણે ભારતીયોએ હવે ઓસ્ટ્રેલિયા ભણવા જવું હોય તો તેના માટે વધારે બચત કરવી પડશે. ઓસ્ટ્રેલિયા ભણવા જવા માટે સ્ટુડન્ટે હવેથી ૨૪,૫૦૫ ડોલરની બચત દેખાડવી પડશે.

અગાઉ જે બચત દેખાડવી પડતી હતી તેના કરતા હવે ૧૭ ટકા વધારે બચત કરવી પડશે. પહેલી ઓક્ટોબરથી જ આ નિયમ લાગુ થઈ ગયો છે. ઓસ્ટ્રેલિયાએ મિનિમમ બચતની રકમ એટલા માટે વધારી છે જેથી કરીને ભણવા આવતા વિદ્યાર્થીઓ ઓસ્ટ્રેલિયા પહોંચતાની સાથે જ નોકરી શોધવા ન લાગે.

ઘણા સ્ટુડન્ટની નાણાકીય સ્થિતિ સારી ન હોવા છતાં ઓસ્ટ્રેલિયા આવે છે અને પછી તેઓ ભણી શકતા નથી. તેથી સ્ટુડન્ટ વિઝા મેળવવા માટે મિનિમમ બચતનો આંકડો વધારવામાં આવ્યો છે.

છેલ્લે ૨૦૧૯માં સેવિંગ્સની રકમનું ઈન્ડેક્સેશન કર્યું હતું. ત્યાર પછી જે રીતે મોંઘવારી વધી છે તેને ધ્યાનમાં રાખીને લઘુતમ બચતની રકમ વધારવી જરૂરી હતી. અગાઉના નિયમોમાં કેટલાક છીંડા હતા જેને આ વખતે દૂર કરવામાં આવ્યા છે. અગાઉ ઓસ્ટ્રેલિયામાં ઓછામાં ઓછા છ મહિના ગાળ્યા હોય તેવા યુવાનોને કામ કરવાની છૂટ હતી. પરંતુ આ નિયમનો એક દુરુપયોગ કરવામાં આવતો હતો.

ઓસ્ટ્રેલિયામાં એક કોર્સમાં એડમિશન લેનારા સ્ટુડન્ટ્‌સ એક સાથે બીજા કોર્સમાં પણ પ્રવેશ મેળવી શકે છે. આંતરરાષ્ટ્રીય સ્ટુડન્ટમાં આ સ્કીમ ઘણી લોકપ્રિય છે.
ઓસ્ટ્રેલિયા ઈચ્છે છે કે આ દેશમાં જે વિદ્યાર્થીઓ ભણવા આવે તેમની પાસે પૂરતા પ્રમાણમાં ફંડ હોય. એટલે કે તેમણે આવતાની સાથે જ નોકરી શોધવી ન પડે.

ઓસ્ટ્રેલિયામાં જે સ્ટુડન્ટ આવે છે તેઓ સીધે સીધા જાેબ માર્કેટમાં પહોંચી જાય છે જે યોગ્ય નથી. ઓસ્ટ્રેલિયન આંકડા પ્રમાણે જુલાઈ ૨૦૨૩માં ૧,૩૧,૬૪૦ ઈન્ટરનેશનલ સ્ટુડન્ટ્‌સ ઓસ્ટ્રેલિયા આવ્યા હતા. એટલે કે અગાઉના વર્ષના આંકડાની તુલનામાં ૬૦,૦૦૦નો વધારો થયો છે.

ઓસ્ટ્રેલિયા સરકારે આ પગલાં એટલા માટે લીધા છે જેથી તેમની એજ્યુકેશનલ ઈન્સ્ટિટ્યૂટની પ્રતિષ્ઠા જળવાઈ રહે અને જે લોકો ખંતપૂર્વક ભણવા માગે છે તેઓ જ એડમિશન મેળવે. જાે સ્ટુડન્ટને બેફામ કામ કરવાની છૂટ આપવામાં આવે તો ડોમેસ્ટિક લેબ ફોર્સને અસર થઈ શકે છે.SS1MS