તાઈક્વોન્ડો કોમ્પિટિશન જીત્યો તૈમૂર અલી ખાન

મુંબઈ, મુંબઈમાં એક એકેડેમી ખાતે તાઈક્વોન્ડો કોમ્પિટિશનનું આયોજન કરવામાં આવ્યું હતું. જેમાં કરીના કપૂરના દીકરા તૈમૂર અલી ખાન અને શાહરૂખ ખાનના દીકરા અબરામે ભાગ લીધો હતો. શાહરૂખ ખાન આ કોમ્પિટિશનમાં મુખ્ય અતિથિ બનીને આવ્યો હતો ઉપરાંત દીકરાને પ્રોત્સાહિત પણ કર્યો હતો.

સૈફ અલી ખાન અને કરીના કપૂર ખાન પણ આ ઈવેન્ટમાં મુખ્ય અતિથિ હોવાની સાથે દીકરાને ચીયર કરતાં જાેવા મળ્યા હતા. શાહરૂખ ખાન ઉપરાંત પત્ની ગૌરી, દીકરી સુહાના અને દીકરો આર્યન પણ અબરામને ચીયર કરવા માટે પહોંચ્યા હતા.

તાઈક્વોન્ડો સ્પર્ધાના કેટલાક વિડીયો અને તસવીરો સામે આવ્યા છે. જેમાં કરીનાનો લાડલો તૈમૂર તાઈક્વોન્ડોના મૂવ્ઝ બતાવતો દેખાઈ રહ્યો છે. તે કિક અને પંચ મારતો જાેવા મળી રહ્યો છે. મેચ દરમિયાનનો તૈમૂરનો વિડીયો વાયરલ થયો છે અને ફેન્સને પસંદ આવી રહ્યો છે.

તૈમૂર આ સ્પર્ધામાં જીતી જતાં તેને શાહરૂખ ખાનના હસ્તે મેડલ પહેરાવવામાં આવ્યું હતું. શાહરૂખ ખાને ઘૂંટણિયે બેસીને નાનકડા તૈમૂરને મેડલ પહેરાવ્યું હતું અને પછી તેના માથા પર કિસ કરી હતી. શાહરૂખ તૈમૂરને અભિનંદન પાઠવતો પણ જાેવા મળી રહ્યો છે.

શાહરૂખ ખાને તૈમૂર ઉપરાંત તેના દીકરા અબરામને પણ મેડલ પહેરાવ્યું હતું. શાહરૂખે અબરામને મેડલ પહેરાવ્યું પછી તેણે પપ્પાને પ્રેમથી ગાલ પર કિસ કરી હતી. કોમ્પિટિશનમાં અબરામને ચીયર કરવા માટે ગૌરી, આર્યન અને સુહાના પણ હાજર રહ્યા હતા.

અબરામની જેમ આર્યન અને સુહાનાએ પણ આ જ ટ્રેનર પાસેથી તાઈક્વોન્ડાના પાઠ શીખ્યા છે. વર્કફ્રંટની વાત કરીએ તો, શાહરૂખ ખાન હવે ‘પઠાણ’, ‘જવાન’, ‘ડંકી’ જેવી ફિલ્મો દ્વારા બોલિવુડમાં કમબેક કરી રહ્યો છે. છેલ્લે શાહરૂખ ‘બ્રહ્માસ્ત્ર’માં કેમિયો રોલમાં જાેવા મળ્યો હતો.

કરીના કપૂર હાલ હંસલ મહેતાની આગામી ફિલ્મનું શૂટિંગ કરી રહી છે. આ સિવાય તે ‘ધ ડિવોશન ઓફ સસ્પેક્ટ એક્સ’ નામની ફિલ્મ દ્વારા ઓટીટી પ્લેટફોર્મ પર ડેબ્યૂ કરશે. આ ફિલ્મમાં જયદીપ અહલાવત અને વિજય વર્મા પણ છે. સૈફ અલી ખાન પ્રભાસ સાથે ફિલ્મ ‘આદિપુરુષ’માં જાેવા મળશે.SS1MS