દિલ્હીમાં ટેક્સી ડ્રાઈવરે પોલીસકર્મીને બોનેટ પર ૧૦૦ મીટર સુધી ઢસેડ્યો

નવી દિલ્હી, દેશની રાજધાની દિલ્હીના બે જુદા-જુદા વિસ્તારોમાં ટ્રાફિક પોલીસ કર્મીઓને ટક્કર મારવાની જુદી-જુદી ઘટના બની છે. પહેલી ઘટનામાં આરોપી ડ્રાઇવરે કારના બોનેટ પર પોલીસકર્મીને લટકાવીને લગભગ ૧૦૦ મીટર સુધી ઢસેડ્યો હતો. જોકે, લોકોએ બાઇક પાછળ દોડાવીને ટેક્સીના ડ્રાઇવરને પકડી લીધો હતો.

જ્યારે બીજી ઘટનામાં આરોપી ડ્રાઇવર ઘટનાસ્થળેથી ફરાર થઈ ગયો હતો. પોલીસે બંને મામલામાં ફરિયાદ નોંધીને તપાસ હાથ ધરી છે. પ્રથમ ઘટના દિલ્હીના દયાલપુર વિસ્તારની છે.

દિલ્હી પોલીસને કરેલી ફરિયાદમાં ધર્મેન્દ્ર જણાવ્યું કે એ હેડ કોન્સ્ટેબલ છે અને પોતાની ફરજ ટ્રાફિક સર્કલમાં છે. ૨૭મી મેએ સાંજે લગભગ છ કલાકે એ એએસઆઈની સાથે ભજનપુર ચોકની પાસે ગાડીઓની તપાસ કરી રહ્યો હતો. ત્યારે યુપીના નંબરની એક ટેક્સી જોઈ હતી. ટેક્સી ડ્રાઈવરને ગાડી ઊભી રાખવાનો ઈશારો કર્યાે, તો ગાડી ધીમી કરી.

પરંતુ હેડ કોન્સ્ટેબલ જેવો બોનેટની પાસે પહોંચ્યો તો આરોપી ડ્રાઈવરે ગાડીની સ્પીડ વધારી દીધી હતી. હેડ કોન્સ્ટેબલે કારનું વાઈપર પકડી લીધું. આક્ષેપ છે કે ડ્રાઈવર લગભગ ૧૦૦ મીટર સુધી પોલીસ કર્મીને લકટાવીને લઈ ગયો હતો.

આ ઘટના જોઈ રહેલા લોકોએ બાઈક પાછળ દોડાવીને પછી કારની આગળ બાઈક ઊભું રાખ્યું અને ડ્રાઈવરને પકડી લીધો હતો. આરોપી ડ્રાઈવરનું નામ મોહમ્મદ આરિફ છે અને એ ગાજિયાબાદનો રહેવાસી છે. પોલીસે હેડ કોન્સ્ટેબલ ધર્મેન્દ્રના નિવેદન પર ૨૮મી મેએ હત્યાના પ્રયાસ સહિત કાયદાની વિવિધ કલમો હેઠળ ફરિયાદ નોંધી છે.SS1MS