આતંકવાદીઓ તો આવતા રહશે, આપણે તેમને મારતા રહીશુંઃ ફારુક

જમ્મુ, જમ્મુ-કાશ્મીરમાં છેલ્લા કેટલાક સમયથી આતંકવાદી હુમલાઓ વધી ગયા છે. આ દરમિયાન નેશનલ કોન્ફરન્સના અધ્યક્ષ ફારુક અબ્દુલ્લાએ બુધવારે કહ્યું કે, ‘‘કેન્દ્ર શાસિત પ્રદેશમાં અથડામણ થતી રહે છે. એમાં કશુંય નવું નથી. આતંકવાદીઓ આવતા રહે છે, અને આપણે તેમને મારતા રહીશું.’’

નેશનલ કોન્ફરન્સના વડા ફારુક અબ્દુલ્લાએ સૌને દિવાળીની શુભકામના પાઠવીને કહ્યું કે, ‘તમામે દિવાળી ઉજવવી જોઈએ, આ ખૂબ મોટો તહેવાર છે. હું પ્રાર્થના કરું છું કે મા લક્ષ્મી જમ્મુ-કાશ્મીરના લોકોને આશીર્વાદ આપે.’’ ભારતીય સુરક્ષા દળોના વળતા પ્રહારના ભાગરૂપે કાશ્મીરમાં આતંકવાદ વિરોધી અભિયાન ચલાવવામાં આવી રહ્યું છે.

આ અભિયાન ૨૮મી ઓક્ટોબરે બટ્ટલ વિસ્તારમાં સૈન્યના કાફલા પર આતંકવાદીઓ દ્વારા કરાઈ રહેલા હુમલા પછી શરુ કરવામાં આવ્યું હતું. સુરક્ષા દળોના કાફલા પરના હુમલા પછી, જમ્મુ-કાશ્મીરના અખનૂરમાં અથડામણમાં ત્રણ આતંકવાદીઓને ઠાર કરવામાં આવ્યા હતા. આતંકવાદીઓએ સૈન્યની એમ્બ્યુલન્સ પર ફાયરિંગ કર્યું, ત્યાર પછી તરત સૈન્યના જવાનોએ વળતી કાર્યવાહી કરી હતી.

ફારુક અબ્દુલ્લાએ દિવાળીના અવસર નિમિત્તે કહ્યું કે માતા લક્ષ્મી અહીંયાના લોકોને લક્ષ્મી મોકલે. અહીંના લોકો પાસે ખૂબ ઓછી લક્ષ્મી છે.SS1MS