છૂટાછેડા લેવા આવેલા યુગલે જજની વાત સાંભળી નિર્ણય બદલ્યોઃ સાથે ઘરે ગયા
છૂટાછેડા માટે આવેલા યુગલને જજે ખુશ કરીને પરત મોકલ્યા-પરંતુ જજ નીલિમા સિંહે શક્ય કરી બતાવ્યું
ફેમિલી કોર્ટમાં સુનાવણી દરમિયાન જજ નીલિમા સિંહે બંને યુગલોને ૭ પ્રતિજ્ઞાઓનું પુનરાવર્તન કરવાનું કહ્યું હતું. આ વાંચીને બંને યુગલો ભાવુક થઈ ગયા અને છૂટાછેડા લેવાની ના પાડી દીધી હતી અને ત્યાંથી ખુશી ખુશી ઘરે પરત ગયા હતા.
(એજન્સી)રાયપુર, છૂટાછેડા હવે યુગલોમાં સામાન્ય બાબત બની ગઈ છે. માત્ર ભારતમાં જ નહીં પરંતુ વિશ્વના તમામ દેશોમાં છૂટાછેડાના કેસ ઝડપથી વધી રહ્યા છે. લગ્નના થોડા વર્ષો પછી લોકો અલગ થવાનું નક્કી કરે છે. છૂટાછેડા બે પરિવારોના જીવનને પણ અસર કરે છે. ખાસ કરીને બાળકોની માનસિક સ્થિતિ પર તેની ખરાબ અસર જોવા મળે છે.
જોકે, છત્તીસગઢની એક કોર્ટમાંથી એવા સમાચાર સામે આવ્યા છે જે છૂટાછેડા કેવા માંગતા લોકો આ સમાચાર મહત્વપૂર્ણ છે. છત્તીસગઢની બેમેટારા ફેમિલી કોર્ટમાં આ દિવસોમાં અજીબ માહોલ છે. છૂટાછેડા માટે આવેલા મોટા ભાગના યુગલો સાથે રહેવાની પ્રતિજ્ઞા લઈને પરત ફરી રહ્યા છે.
બેમેટારાની ફેમિલી કોર્ટમાં મહિલા જજ નીલિમા સિંહે આ ચમત્કાર કરી બતાવ્યો છે. તેણે ઘણા યુગલોને ફરીથી સાથે રહેવા માટે સમજાવ્યા છે. છૂટાછેડા પર અડગ રહેતા યુગલો સામાન્ય રીતે કોઈનું સાંભળતા નથી, પરંતુ જજ નીલિમા સિંહે અશક્યને પણ શક્ય કરી બતાવ્યું છે. છત્તીસગઢમાં જજ નીલિમા સિંહ બઘેલે પોતાની અનોખી પહેલથી છૂટાછેડા માટે આવેલા ૫૦થી વધુ યુગલોને સાથે રહેવા માટે રાજી કર્યા છે.
૨૧મી સપ્ટેમ્બરે યોજાયેલી લોક અદાલતમાં તેમણે એક ડઝન કેસનું નિરાકરણ કર્યું છે. આટલા બધા કેસ ઉકેલવા તેમણે લગ્ન સમયે અને ખાસ કરીને ફેરાના સમયે કોર્ટરૂમમાં જપવામાં આવતા સાત મંત્રોના ઉચ્ચારણ અને તેનો અર્થ પણ સમજાવ્યો હતો. આ સમગ્ર ઘટનામાં જજ નીલિમા સિંહ બઘેલના ખૂબ વખાણ થઈ રહ્યા છે. લગ્ન સમયે, પતિ-પત્ની અગ્નિની આસપાસ પ્રદક્ષિણા કરતી વખતે ૭ વ્રત લે છે. આને સપ્તપદી કહે છે.
સામાન્ય રીતે સંસ્કૃતમાં લગ્નના ૭ વચન છે. પરંતુ ન્યાયાધીશ નીલિમા સિંહે તેમનો હિન્દીમાં અનુવાદ કરીને તેમને ઓફિસમાં ગોઠવી દીધા છે. આ ઉપરાંત તેની પાસે સપ્તપદીની ફોટોકોપી પણ છે, જે તે યુગલોને વાંચવા માટે આપે છે.
૫૮ વર્ષની મહિલા ઘણા વર્ષોથી તેના પતિ સાથે એક જ રૂમમાં રહેતી ન હતી. બંનેના લગ્નને ૪૦ વર્ષ થઈ ગયા છે, પરંતુ મહિલા એક જ ઘરના અલગ રૂમમાં રહે છે. હવે તેમના જીવનના અંતિમ તબક્કે બંનેએ અલગ થવાનો નિર્ણય કર્યો અને કોર્ટમાં છૂટાછેડાની અરજી કરી.
ફેમિલી કોર્ટમાં સુનાવણી દરમિયાન જજ નીલિમા સિંહે બંને યુગલોને ૭ પ્રતિજ્ઞાઓનું પુનરાવર્તન કરવાનું કહ્યું હતું. આ વાંચીને બંને યુગલો ભાવુક થઈ ગયા અને છૂટાછેડા લેવાની ના પાડી દીધી હતી અને ત્યાંથી ખુશી ખુશી ઘરે પરત ગયા હતા.
લગ્ન બચાવવા માટે ઘણા ઉપાયો કરવામાં આવે છે, આ બધા હોવા છતાં, મોટાભાગના કિસ્સાઓમાં વિવાદો ઉભા થાય છે. ફેમિલી કોર્ટમાં પહોંચતા ૯૦% થી વધુ કેસ છૂટાછેડામાં પરિણમે છે. આ હોવા છતાં, છૂટાછેડાની ટકાવારી ઘટાડવા માટે કેટલાક પ્રયાસો કરવામાં આવી રહ્યા છે.
બેમેટરા ફેમિલી કોર્ટના જજ નીલિમા સિંહ બઘેલે આ કામમાં મહત્વની ભૂમિકા ભજવી છે. પરિવારને બચાવવા અને ભારતીય લગ્નની માન્યતા જાળવવા માટે કોર્ટરૂમમાં તેમનું કાર્ય હંમેશા લોકોને પસંદ આવે છે.
