પ્રભાસની બધી જ ફિલ્મોની તારીખો અને કાર્યક્રમ બદલાશે

મુંબઈ, પ્રભાસ એક સાથે ત્રણ ફિલ્મોમાં કામ કરી રહ્યો છે અને તેની આગામી ત્રણ ફિલ્મોની જાહેરાત થઈ ચૂકી છે. એ સતત કામ કરી રહ્યો છે, પરંતુ તકલીફ એ છે કે તે સતત કામ કરતો હોવાથી અને એક સાથે એકથી વધુ ફિલ્મોનું કામ કરતો હોવાથી તેની એક પણ ફિલ્મ સમયસર પૂરી થતી નથી, તેની દરેક ફિલ્મનું કામ પાછું ઠેલાતું રહે છે અને તેના કોઈ પણ ફિલ્મ સમયસર પૂરી થતી નથી.

સાઉથની ઇન્ડસ્ટ્રીમાંથી આવતા કેટલાંક અહેવાલો અનુસાર, હાલ તે જે ફિલ્મ ‘રાજા સાબ’ માટે કામ કરી રહ્યો છે, તે ફિલ્મ પણ હવે પોસ્ટપોન થઈ ગઈ છે અને આ ફિલ્મ એપ્રિલ ૨૦૨૫માં રિલીઝ થશે નહીં. જોકે, ફિલ્મના મેકર્સ દ્વારા ફિલ્મના શૂટમાં કોઈ પ્રકારના વિલંબનો ઇનકાર કરવામાં આવ્યો છે. જોકે, તેમણે ફિલ્મ સમયસર રિલીઝ નહીં થાય એ અંગે તેમણે કોઈ રદિયો પણ આપ્યો નથી.

તેમણે એવું કહ્યું છે કે તેમની ફિલ્મનું ૮૦ ટકા કામ પૂરું થઈ ગયું છે. પ્રભાસની ‘સ્પિરિટ’ના ડિરેક્ટર સંદીપ રેડ્ડી વાંગાએ પણ તેમનું મુવી લોંચ પોસ્ટપોન કર્યું છે.

આ પહેલાં તેઓ જાન્યુઆરી ૨૦૨૫માં ફિલ્મ લોંચ કરવા માગતા હતા. પરંતુ હવે આ ફિલ્મનું કામ શરૂ થવામાં સમય લાગશે. કારણ કે પ્રભાસ ‘રાજાસાબ’નું કામ પૂરું કરે પછી જ તે સંદીપ રેડ્ડી વાંગાનું કામ શરૂ કરી શકશે. તેના કારણે હવે આગામી ફિલ્મો ‘ફૌજી’ અને ‘સ્પિરિટ’ની રિલીઝ ડેટમાં પણ ફેરફાર થશે.SS1MS