ફિલ્મ ‘ધડક ૨’ જાતિગત ભેદભાવની મુશ્કેલીમાં ફસાઈ

મુંબઈ, સિદ્ધાંત ચતુર્વેદી અને તૃપ્તિ ડિમરી તેમની આગામી ફિલ્મ ‘ધડક ૨’ને લઈને ઘણા સમયથી સમાચારમાં છે. જે જાતિ ભેદભાવને પ્રમોટ કરવાના આરોપસર વિવાદમાં સપડાઈ છે.

સેન્સર બોર્ડ તરફથી મળતા અહેવાલો અનુસાર, બોર્ડે ફિલ્મના કેટલાક દ્રશ્યો અને સંવાદો સામે વાંધો ઉઠાવ્યો છે જેમાં જાતિ ભેદભાવ દર્શાવવામાં આવ્યો છે. આ કારણે, ફિલ્મનું પ્રમાણપત્ર અટવાઈ ગયું છે, જેના કારણે તેની રિલીઝમાં વિલંબ થઈ શકે છે.

અગાઉ આ ફિલ્મ નવેમ્બર ૨૦૨૪ માં રિલીઝ થવાની હતી, પરંતુ બાદમાં તેને ૨૦૨૫ સુધી મુલતવી રાખવામાં આવી. અહેવાલો અનુસાર, તેને હોળીના સપ્તાહના અંતે (૧૪ માર્ચ, ૨૦૨૫) રિલીઝ કરવાની યોજના હતી, પરંતુ પ્રમોશન હજુ શરૂ થયું નથી.

એક અહેવાલ મુજબ, ફિલ્મ માટે સેન્સર સર્ટિફિકેટ મેળવવામાં સમસ્યા છે. એક સૂત્રના જણાવ્યા અનુસાર, ‘ધડક ૨’ જાતિના મુદ્દાઓ પર આધારિત એક પ્રેમકથા છે.

સેન્સર બોર્ડની પરીક્ષા સમિતિ દ્વારા તેની પ્રશંસા કરવામાં આવી હતી.તેની સંવેદનશીલતાને ધ્યાનમાં રાખીને, તેને કયું પ્રમાણપત્ર આપવું તે નક્કી કરવામાં સમય લાગી રહ્યો છે. તેમજ એ પણ નક્કી કરવું પડશે કે કોઈ દ્રશ્ય દૂર કરવાની જરૂર છે કે નહીં. જ્યાં સુધી સેન્સર બોર્ડ ફિલ્મને મંજૂરી ન આપે ત્યાં સુધી નિર્માતાઓ તેનું પ્રમોશન આગળ વધારી શકશે નહીં.

ટ્રેડ નિષ્ણાતો કહે છે કે નિર્માતાઓ સેન્સર બોર્ડની પ્રક્રિયા પૂર્ણ થવાની રાહ જોઈ રહ્યા છે. જો ફિલ્મને મંજૂરી મળશે, તો તે ૧૪ માર્ચે જ રિલીઝ થશે. પરંતુ જો પ્રમાણપત્રમાં વધુ સમય લાગે છે, તો ફિલ્મની રિલીઝ ફરીથી મુલતવી રાખવામાં આવી શકે છે.SS1MS