ભાઈજાનના જન્મદિને ‘સિકંદર’ની પહેલી ઝલક બતાવવામાં આવશે

મુંબઈ, સલમાન ખાનની એ.આર. મુર્ગાદોસ દ્વારા ડિરેક્ટ અને સાજીદ નડિયાદવાલાએ પ્રોડ્યુસ કરેલી ફિલ્મ ‘સિકંદર’ લાંબા સમયથી ચર્ચામાં છે.

જ્યારથી આ ફ્લ્મિની જાહેરાત થઈ ત્યારથી સલમાનના ફૅન્સ ઉત્સાહમાં છે. ત્યારે હવે સાજીદ નડિયાદવાલાના કન્ફર્મેશનથી ફૅન્સનો ઉત્સાહ ઓર વધી ગયો છે. તેમણે સલમાનના ફૅન્સ માટે તેમના ભાઈના જન્મ દિવસ ૨૭ ડિસેમ્બરે‘સિકંદર’નું ટીઝર લોંચ કરવાની જાહેરાત કરી છે. સલમાન ખાનની આ ફિલ્મની આતુરતાથી રાહ જોવાઈ રહી છે, ત્યારે તેમના ફૅન્સને અંતે હવે ફિલ્મની એક ઝલક જોવા મળશે.

સાજીદ નડિયાદવાલાએ કરેલી જાહેરાત અનુસાર આ ટીઝર સલમાનના બર્થડેની ખાસ ગિફ્ટ હશે. તેનાથી હવે ફિલ્મ માટેનો ઉત્સાહ અને આતુરતા પહેલાં કરતાં પણ વધી ગયા છે, સાથે જ ફિલ્મને ખૂબ મોટું ઓપનિંગ મળે તેવી આશા અને અપેક્ષા છે.

નડિયાદવાલા એન્ડ ગ્રાન્ડસન દ્વારા આ ફિલ્મ પ્રોડ્યુસ કરવામાં આવી છે. જેમાં સલમાન ખાન સાથે રશ્મિકા મંદાના લીડ રોલમાં જોવા મળશે. આ ફિલ્મ ઇદ ૨૦૨૫ના દિવસે રિલીઝ થશે. આ ફિલ્મ મોટા પડદે દર્શકોને એક અલગ અનુભવ પુરો પાડશે તેવો ફિલ્મ મેકર્સનો દાવો છે.SS1MS