દીપિકાની પ્રોડક્ટ્સની કિંમત જાેઈને લોકોનું મગજ ચકરાયું
મુંબઈ, દીપિકા પાદુકોણને ગ્લોબલ ઈન્ડિયન આઈકન તરીકે ઓળખવામાં આવે છે. દીપિકા બોલિવૂડ જ નહીં હોલિવૂડ ફિલ્મોમાં પણ કામ કરી ચૂકી છે. અને તાજેતરમાં જ તેણે પોતાની સ્કિનકેર બ્રાન્ડ પણ લોન્ચ કરી છે. દીપિકાએ પોતાની બ્રાન્ડનું નામ ૮૨ઈ રાખ્યું છે.
તેણે અત્યાર સુધી બે પ્રોડક્ટ લોન્ચ કરી છે, અશ્વગંધા બાઉન્સ મોઈશ્ચરાઈઝર અને પચૌલી ગ્લો સનસ્ક્રીન ડ્રોપ્સ. બ્રાન્ડ લોન્ચ કરતી વખતે કહેવામાં આવ્યુ હતું કે, આ પ્રોડક્ટ્સ સ્કિનકેરને એક સરળ અને અસરકારક આદત બનાવવા માટે તૈયાર કરવામાં આવી છે.
આ બ્રાન્ડ મોડર્ન મહિલા તરીકે દીપિકા પાદુકોણની અત્યાર સુધીની જર્ની અને અનુભવનો વિસ્તાર છે, જે સંપૂર્ણપણે ભારતીય છે પણ સાથે જ ગ્લોબલ અપ્રોચ પણ ધરાવે છે. દીપિકાની પ્રોડક્ટ્સ લોન્ચ તો થઈ ગઈ છે, પરંતુ તેની કિંમતના કારણે લોકો ખૂબ ટ્રોલ કરી રહ્યા છે.
લોકોને બ્રાન્ડનું નામ પણ ખાસ પસંદ નહોતું આવ્યું, તેમાં કિંમત જાેઈને લોકોનું મગજ વધારે ચકરાયું છે. તમને જણાવી દઈએ કે, મોઈશ્ચરાઈઝરની કિંમત ૨૭૦૦ રુપિયા છે તેમજ સનસ્ક્રીનની મત ૧૮૦૦ રુપિયા છે. લોકો કહી રહ્યા છે કે, આ કિંમત વધારે પડતી છે.
અન્ય લક્ઝરી બ્રાન્ડના પ્રોડક્ટ્સ પણ આટલા મોંઘા નથી હોતા. એક યુઝરે લખ્યું કે, સ્કિનકેર કરનારી છોકરીઓ, દીપિકાની નવી સ્કિનકેર પ્રોડક્ટ વિશે તમારુ શું કહેવું છે? આ કિંમત વધારે પડતી છે. ઈમ્પોર્ટેડ હાઈ એન્ડ પ્રોડક્ટ્સ કરતા પણ વધારે મોંઘી આ છે.
અન્ય એક યુઝરે તો દીપિકાની સરખામણી કેટરિના કૈફ સાથે કરી. તેણે લખ્યું કે, દીપિકાની બ્રાન્ડની બન્ને પ્રોડક્ટ્સ અત્યંત મોંઘી છે. મોટાભાગના લોકો તે અફોર્ડ નહીં કરી શકે. કેટરિના કૈફની પ્રોડક્ટ્સ સારી હોય છે અને અફોર્ડેબલ પણ હોય છે.
દીપિકા પાદુકોણની પ્રોડક્ટ્સ વીગન તેમજ ક્રૂલ્ટી ફ્રી હોવાનું કહેવામાં આવે છે. દીપિકાએ લોન્ચ વખતે કહ્યુ હતું કે, અમે પાછલા બે વર્ષમાં પ્રીમિયમ, હાઈ પર્ફોમન્સ વાળા સ્કિનકેર પ્રોડક્ટ્સ તૈયાર કરવામાં સમય પસાર કર્યો છે, જે પાવરફુલ સાયન્ટિફિક કમ્પાઉન્ડ સાથે સારી રીતે ટેસ્ટ કરવામાં આવેલા ઈન્ડિયન ઈન્ગ્રિડિયન્ટ્સ સાથે મિક્સ થાય છે. આ પ્રોડક્ટ્સનો ઉપયોગ પણ સરળ છે અને સેન્સિસિટવ સ્કિનને સારી રીતે સૂટ કરે છે.SS1MS
