આ દેશના વડાપ્રધાન G20 પૂરી થયાં બાદ PM મોદી સાથે સેલ્ફી લેવા ઉત્સુક હતા
નવી દિલ્હી, ભારતની અધ્યક્ષતામાં આયોજિત જી૨૦ સમિટમાં ભાગ લેવા માટે વિશ્વભરના ટોચના નેતાઓ દિલ્હીમાં એકઠા થયા છે. ઓસ્ટ્રેલિયાના વડા પ્રધાન એન્થોની અલ્બેનિસે જી૨૦ બેઠકને સફળ જાહેર કરી હતી. આ સાથે તેણે પીએમ મોદી સાથે સેલ્ફી પણ લીધી હતી.
ઓસ્ટ્રેલિયાના વડા પ્રધાને કહ્યું કે નવી દિલ્હી સમિટ પછી બંને નેતાઓ વચ્ચે સારી દ્વિપક્ષીય ચર્ચા થઈ. ઓસ્ટ્રેલિયન વડા પ્રધાને, પીએમ સાથે ફોટો સોશિયલ મીડિયા સાઇટ X (Old Twitter) પર શેર કર્યો છે અને ઓસ્ટ્રેલિયા અને ભારત વચ્ચે વ્યાપક આર્થિક સહકાર કરાર વિશે પીએમ મોદી સાથેની ચર્ચા વિશે માહિતી આપી હતી.
અલ્બેનિસે લખ્યું છે કે, “આજે નવી દિલ્હીમાં વડાપ્રધાન નરેન્દ્ર મોદી દ્વારા યોજાયેલી સફળ જી૨૦ બેઠક બાદ, ઓસ્ટ્રેલિયા અને ભારત વચ્ચે વ્યાપક આર્થિક સહકાર કરારના નિષ્કર્ષ અંગે સારી દ્વિપક્ષીય ચર્ચા થઈ હતી.” તમને જણાવી દઈએ કે ઓસ્ટ્રેલિયાના વડાપ્રધાન એન્થોની અલ્બેનીઝ જી૨૦ સમિટમાં ભાગ લેવા શુક્રવારે દિલ્હી પહોંચ્યા હતા.
આ પહેલા તેઓ ઓસ્ટ્રેલિયામાં પીએમ મોદીને મળ્યા હતા. મે મહિનામાં વડાપ્રધાન નરેન્દ્ર મોદી ત્રણ દેશોના પ્રવાસે ગયા હતા, આ દરમિયાન તેમણે ઓસ્ટ્રેલિયાની પણ મુલાકાત લીધી હતી. જી૨૦માં ભાગ લેનાર ઓસ્ટ્રેલિયાના વડાપ્રધાન એન્થોની અલ્બેનિસે પોસ્ટમાં કહ્યું કે પીએમ મોદીના ઓસ્ટ્રેલિયા પ્રવાસથી બંને દેશો વચ્ચેના સંબંધો વધુ મજબૂત થયા છે.
આ એક એવો સંબંધ છે જેમાં આપણે રોકાણ કરવાની જરૂર છે. ભારત સાથેની અમારી મજબૂત ભાગીદારીથી ઓસ્ટ્રેલિયાને વેપાર, રોકાણ, પ્રાદેશિક સુરક્ષા અને સ્થિરતામાં ફાયદો થશે. ઓસ્ટ્રેલિયા ભારતને જે મહત્વ આપે છે તેના પર ભાર મૂકતા અલ્બેનીઝે કહ્યું કે તેઓ પીએમ મોદીને છ વખત મળ્યા હતા.
A successful G20 meeting hosted by @narendramodi in New Delhi today followed by a good bilateral discussion about concluding the Comprehensive Economic Cooperation Agreement between Australia and India 🇦🇺🇮🇳 pic.twitter.com/tglLOScrcJ
— Anthony Albanese (@AlboMP) September 9, 2023
તેમણે એમ પણ કહ્યું કે ભારતીય-ઓસ્ટ્રેલિયન સમુદાયના યોગદાનને કારણે ઓસ્ટ્રેલિયા વધુ સારું સ્થળ છે. તે ઈચ્છે છે કે ભારત અને ઓસ્ટ્રેલિયા વચ્ચેના સંબંધો વધુ મજબૂત બને. અલ્બેનીઝે કહ્યું કે ઓસ્ટ્રેલિયા અને ભારત બંને રિન્યુએબલ એનર્જીને પ્રોત્સાહન આપવા માટે સાથે મળીને કામ કરી રહ્યા છે.
તમને જણાવી દઈએ કે પીએમ મોદીએ તેમની સિડની મુલાકાત દરમિયાન અદ્ભુત આતિથ્ય સત્કાર માટે તેમના ઓસ્ટ્રેલિયન સમકક્ષ એન્થોની અલ્બેનિસનો આભાર માન્યો હતો.તેમણે કહ્યું હતું કે ઓસ્ટ્રેલિયા અને ભારતની મિત્રતાને આગળ વધારવામાં આવશે અને બંને નેતાઓ ભારત-ઓસ્ટ્રેલિયાના ભલા માટે સાથે મળીને કામ કરશે. હું કામ કરતો રહીશ.
