યુદ્ધ એક મહત્વપૂર્ણ તબક્કામાં પ્રવેશ કરી ચુક્યું છેઃ ઝેલેન્સ્કી
કિવ, યુક્રેનની સેનાએ દાવો કર્યાે કે તેમણે ક્રીમિયામાં સોમવારે એક મુખ્ય તેલ ટર્મિનલ પર હુમલો કર્યાે છે. આ તેલ ટર્મિનલ રશિયાને યુદ્ધ માટે જરૂરી ઈંધણ આપે છે. આ સાથે યુક્રેનના રાષ્ટ્રપતિ વોલોદિમીર ઝેલેન્સ્કીએ કહ્યું કે, યુદ્ધ એક મહત્વપૂર્ણ તબક્કામાં પ્રવેશ કરી ચુક્યું છે.
યુક્રેન અને રશિયા બંને દેશો એવા સંકટનો સામનો કરી રહ્યા છે કે પોતાના મોંઘા યુદ્ધને કેવી રીતે આગળ ધપાવવું. કેમ આ યુદ્ધ ફેબ્રુઆરી ૨૦૨૨માં રશિયાના યુક્રેન પર હુમલા સાથે શરુ થયું હતું અને તેના સમાધાનના હાલતના તબક્કે કોઈ સંકેત સાંપડી રહ્યા નથી.
યુક્રેનના જનરલ સ્ટાફે સોશ્યલ મીડિયા પર કહ્યું કે રશિયાના કબજા વાળા ક્રીમિયાના દક્ષિણ કિનાર પર ફિયોદોસિયામાં આવેલું તેલ ટર્મિનલ રશિયાને યુદ્ધ માટે ઈંધણ પુરું પાડી રહ્યું છે અને આ હુમલો રશિયાની સેના અને આર્થિક ક્ષમતાને કમજોર કરવા માટે ચાલી રહેલા પ્રયાસનો હિસ્સો હતો.
કાળા સમુદ્રના કિનારા પરના ફિયોદોસિયા શહેરમાં રશિયા દ્વારા સ્થાપિત તેલ ટર્મિનલમાં આગ લાગી હોવાની સૂચના રશિયાના અધિકારીઓએ આપી છે, પરંતુ તેમણે એ જણાવ્યું નથી કે આ આગ લાગવા પાછળનું કારણ શું છે.
પરંતુ યુક્રેને ચોખ્ખા શબ્દોમાં કહ્યું કે તેમણે ક્રીમિયામાં સોમવારે એક પ્રમુખ તેલ ટર્મિનલ પર હુમલો કર્યાે છે. યુક્રેન સતત એવા ક્ષેત્રોને ટાર્ગેટ બનાવી રહ્યું છે, જે રશિયાને હુમલા માટે વ્યૂહાત્મક રીતે જરુરી છે.SS1MS
