મહિલા પર ૫ લોકોએ પ્રેમીની હાજરીમાં કથિત બળાત્કાર ગુજાર્યો
Files Photo
સુરત, શહેરના પુણા પોલીસે ૨૫થી ૩૫ વર્ષના પાંચ લોકો સામે કથિત રેપ કેસમાં સંડોવણી હોવાની ફરિયાદ નોંધી છે. ૨૭ વર્ષની મહિલા પર બનેલી બળાત્કારની ઘટનામાં ફરિયાદ નોંધવામાં આવી છે. મહિલાએ દાવ કર્યો છે કે રવિવારે રાત્રે તે તાત્કાલિક પોલીસનો સંપર્ક કરી શકી નહોતી. તે ઘરે જતી રહી હતી અને બીજા દિવસે સવારે તેણે પોલીસને પોતાની સાથે બનેલી ઘટના અંગે જાણ કરી હતી.
પોલીસે જણાવ્યું કે, પહેલા પીડિતાએ તેનું લિંબાયત વિસ્તારમાંથી અપહરણ થયું હોવાનું કહીને ગેરમાર્ગે દોર્યા હતા. પોલીસને બળાત્કારની ઘટના જે વિસ્તાર બની તેમાં આવતા પોલીસ સ્ટેશનની હદ નક્કી કરતા લગભગ એક દિવસનો સમય લાગ્યો હતો. મૂળ મધ્યપ્રદેશની અને વરાછાની પીડિતાએ ફરિયાદમાં જણાવ્યું છે કે, તેના વરાછામાં રહેતી પ્રેમીની હાજરીમાં આ પાંચ લોકો તેને ઉઠાવી ગયા હતા અને તેના પર બળાત્કાર ગુજાર્યો હતો.
એવી પણ ફરિયાદ કરવામાં આવી છે કે આરોપીઓએ પીડિતા અને તેના પ્રેમીને લૂંટી લઈને તેમના મોબાઈલ ફોન લઈ લીધા હતા. પોલીસે પીડિતાને મંગળવારે મેડિકલ તપાસ માટે મોકલી હતી અને જણાવ્યું કે પીડિતા પર થયેલી હુમલામાં તેમને ગંભીર ઈજાઓ થઈ નથી. પીડિતાએ પોલીસને જણાવ્યું કે તે તેના બોયફ્રેન્ડને ત્રણ મહિનાથી ઓળખે છે, પોતે કામની શોધમાં શહેરમાં આવી ત્યારે તેની સાથે મુલાકાત થઈ હતી.
પીડિતા ગોડાધરા વિસ્તારમાં તેની બહેન-બનેવી સાથે રહેતી હતી. મહિલાને ઝરી યુનિટમાં નોકરી મળી હતી, તે નોકરીમાંથી મળતા રૂપિયા તેની માતાને મોકલતી હતી અને તેના પિતાનું ૧૫ વર્ષ પહેલા નિધન થઈ ગયું છે.
પીડિતાએ પોલીસને જણાવ્યું કે, તેણે ધોરણ-૧૦ સુધીનો અભ્યાસ કર્યો છે, તે રવિવારે કામ પરથી પોતાના ઘરે જઈ રહી હતી ત્યારે બોયફ્રેન્ડનો ફોન આવ્યો હતો. આ પછી બન્ને બાઈક પર દેવધા કુંભારિયા રોડ પર નીકળ્યા હતા, આ શહેરની બહારનો ખેતીવાળો વિસ્તાર છે જ્યાં તેમણે રોડની સાઈડમાં બાઈક ઉભી રાખી હતી. જ્યારે તે બન્ને વાતો કરી રહ્યા હતા ત્યારે પાંચ લોકો ત્યાં આવી પહોંચ્યા હતા. પોલીસે આ કેસ અંગે જણાવ્યું છે કે, “આરોપીઓએ જાેયું કે આસપાસમાં કોઈ નહોતું તેનો લાભ લઈને મહિલાના પ્રેમીને દોરડાથી બાંધીને માર માર્યો હતો.
આ પછી આ પાંચ જણા મહિલા અને તેના પ્રેમીને કેળાના ખેતરમાં લઈ ગયા હતા અને ત્યાં મહિલા પર બળાત્કાર ગુજાર્યો હતો.” આરોપીઓએ મહિલા અને પીડિતાને ધમકી આપી હતી કે જાે તેમણે આ અંગે કોઈને વાત કરી તો તેઓ તેમને ખતમ કરી નાખશે. પીડિતાએ જણાવ્યું કે આ ઘટના પછી તેના બોયફ્રેન્ડે તેને ઘરે મૂકી દીધી હતી, પીડિતાએ પોતાની સાથે બનેલી ઘટના અંગે રાત્રે ઘરના લોકો સાથે વાત નહોતી કરી.
બીજા દિવસે સવારે તે લિંબાયત પોલીસ સ્ટેશન પહોંચી હતી અને પોતાના પર બનેલી રેપની જાતે ઘડેલી વાત પોલીસને જણાવી હતી. મહિલાએ પોતાનો પ્રેમી હોવાની વાત પણ નહોતી જણાવી.
જાેકે, પોલીસે કરેલી પ્રાથમિક તપાસમાં માલુમ પડ્યું કે મહિલા ખોટું બોલી રહી છે, પછી તેણે જણાવ્યું કે આ ઘટના તેના પ્રેમીની હાજરીમાં બની હતી. પોલીસે જણાવ્યું કે, “પોલીસ મહિલાના પ્રેમીની ઓળખ કરવા માટેના પ્રયાસ કરી રહી છે, પછી તેમને કેટલાક સવાલો કર્યા પછી ઘટના અંગે વધુ સ્પષ્ટતા આવશે.SS1MS
