છ વર્ષનો ગેપ હોય તેવું લાગતું જ નથીઃ એસીપી પ્રદ્યુમ્ન

મુંબઈ, આઇકોનિક ક્રાઇમ ઇન્વેસ્ટિગેશન શો સીઆઈડી ફરી એક વખત ૨૧ ડિસેમ્બરથી સોની ટીવી પર શરૂ થઈ રહ્યો છે. શિવાજી સાટમ (એસીપી પ્રદ્યુમ્ન), દયાનંદ શેટ્ટી (દયા), અને આદિત્ય શ્રીવાસ્તવ (અભિજીત), જેવા કલાકારો વધુ એક વખક લોકપ્રિય ભૂમિકાઓમાં ફરીથી ફરી જોવા મળશે.

એક ઈન્ટરવ્યૂમાં, અભિનેતા શિવાજી સાટમ ( એસીપી પ્રદ્યુમન) શોમાં પાછા ફરવાની અને પ્રેક્ષકો સાથે ફરીથી કનેક્ટ થવાની ઉત્સુકતા વિશે વાત કરતા કહે છે કે, નવી સીઝન નોસ્ટાલ્જીયા અને તાજગી, રસપ્રદ કિસ્સાઓથી ભરપુર હશે.એસીપી પ્રદ્યુમ્ને જણાવ્યું, તમે તેના પર વિશ્વાસ નહીં કરો, પરંતુ જ્યારે શો બંધ થયો ત્યારથી છ વર્ષના ગેપ દરમિયાન, ક્યારેય એવું લાગ્યું ન હતું કે આ શો પૂરો થઈ ગયો છે.

સેટ પર પહેલા દિવસે, કશું જ નવું કે અજાણ્યું ન લાગ્યું. દિગ્દર્શક, લેખક અને ખાસ કરીને નિર્માતા બી.પી. સિંહ – તેમની સાથે કામ કરવું મારા માટે અદ્ભુત અનુભવ હતો. એવું બિલકુલ નથી લાગતું કે છ વર્ષનો વિરામ હતો; એવું લાગે છે કે અમે ગઈકાલે જ શૂટિંગ પૂરું કર્યું અને આજે જ આગામી એપિસોડ પર કામ શરૂ કર્યું. દર શનિવાર અને રવિવારે રાત્રે ૧૦ વાગ્યે પ્રસારિત થશે.SS1MS