ટ્રમ્પ મસ્કના ખાસ ઈસાકમેનને નાસાના પ્રમુખપદેથી હાંકી કાઢશે

વોશિંગ્ટન, -યુએસના પ્રમુખ ડોનાલ્ડ ટ્રમ્પ ટેક અબજોપતિ એલન મસ્કના નિકટના એવા જેરેડ ઈસાકમેનનું નાસાના પ્રમુખ તરીકેનું નામાંકન પરત ખેંચી લેશે.

સૂત્રોના મતે આ બાબતે વ્હાઈટ હાઉસ તથા નાસા દ્વારા કોઈ નિવેદન જાહેર કરવામાં આવ્યું નથી. ટ્રમ્પે ગત ડિસેમ્બરમાં ઈસાકમેનને નાસાના પ્રમુખ બનાવવાની જાહેરાત કરી હતી.ડોનાલ્ડ ટ્રમ્પે તેના સોશિયલ મીડિયા સાઈટ પર લખ્યું હતું કે, ગહન સમીક્ષા કર્યા બાદ, હું નાસાના પ્રમુખ તરીકે જેરેડ ઈસાકમેનનું નામાંકન પરત ખેંચું છું.

ટૂંક સમયમાં હું નવા વ્યક્તિનું નામ આ પદ માટે જાહેર કરીશે જે મિશન સાથે જોડાયેલો હોય તથા અવકાશ ક્ષેત્રમાં અમેરિકાને પ્રાથમિકતા આપશે. ઈસાકમને ૨૦૨૧માં એલન મસ્કની સ્પેસએક્સ કંપનીની સૌપ્રથમ ચાર્ટર્ડ ફ્લાઈટમાં અવકાશની યાત્રા કરી હતી અને ત્યારથી બંને વચ્ચે સારી મિત્રતા રહી છે.

મસ્કે તાજેતરમાં ટ્રમ્પ સરકારમાં દક્ષતા વિભાગના વડાનું પદ છોડ્યું હતું અને તેની પ્રતિક્રિયાના ભાગરૂપે ઈસાકમેનનું નામાંકન પરત ખેંચવામાં આવ્યું હોવાની ચર્ચા છે.

જેરેડ ક્રેડિટ કાર્ડ પ્રોસેસિંગ કંપની શિફ્ટ૪ના સીઈઓ અને સ્થાપક છે અને તે આશરે ૧.૯ અબજ ડોલરની સંપત્તિના માલિક છે. અમેરિકન સેનેટ કોમર્સ, સાયન્સ એન્ડ ટ્રાન્સ્પોર્ટેશન કમિટીએ ઈસાકમેનના નામાંકનને એપ્રિલમાં મંજૂરી આપી હતી અને તે ટૂંકમાં સેનેટ સમક્ષ હાજર પણ થવાના હતા.SS1MS