ટિ્વટરે ૫ લાખથી વધુ ભારતીય એકાઉન્ટ પર પ્રતિબંધ મૂક્યો
નવી દિલ્હી, IT નિયમો ૨૦૨૧ હેઠળ, તમામ મોટી સોશિયલ મીડિયા કંપનીઓએ દર મહિને વપરાશકર્તા સુરક્ષા રિપોર્ટ જાહેર કરવો પડશે. આ નિયમ હેઠળ, ટિ્વટરએ સપ્ટેમ્બર મહિના માટે રિપોર્ટ જાહેર કર્યો છે અને કંપનીએ મોટી સંખ્યામાં ભારતીય એકાઉન્ટ્સ પર કાર્યવાહી કરી છે. ઈલોન મસ્કના ટિ્વટરે ૨૬ ઓગસ્ટથી ૨૫ સપ્ટેમ્બર વચ્ચે ૫,૫૭,૭૬૪ ભારતીય એકાઉન્ટ્સ પર પ્રતિબંધ મૂક્યો છે. આમાંના મોટાભાગના એકાઉન્ટ્સ કંપનીના નિયમોની વિરુદ્ધ જઈને બાળ જાતીય દુર્વ્યવહાર અને બિન-સહમતિયુક્ત નગ્નતાને પ્રોત્સાહન આપતા હતા.
એટલે કે, પ્લેટફોર્મ પર નગ્નતા પોસ્ટ કરવામાં આવી રહી હતી. આ સમયગાળા દરમિયાન, કંપનીએ આતંકવાદને પ્રોત્સાહન આપતા આવા ૧,૬૭૫ એકાઉન્ટ્સ પણ કાયમી ધોરણે બંધ કરી દીધા છે. એકંદરે, કંપનીએ ૨૬ ઓગસ્ટથી ૨૫ સપ્ટેમ્બર વચ્ચે પ્લેટફોર્મ પરથી ૫,૫૯,૪૩૯ એકાઉન્ટ્સ પર પ્રતિબંધ મૂક્યો છે.
આ સમયગાળા દરમિયાન કંપનીને ૩,૦૭૬ ફરિયાદો મળી હતી. તેમાંથી, કંપનીએ ૧૧૬ ફરિયાદો પર કાર્યવાહી કરી હતી જે એકાઉન્ટ સસ્પેન્શન વિરુદ્ધ અપીલ કરતી હતી. જાે કે, પરિસ્થિતિની વિગતવાર સમીક્ષા કર્યા પછી, કંપનીએ આમાંથી ૧૦ એકાઉન્ટને પુનઃસ્થાપિત કર્યા છે જ્યારે બાકીના બધાને કાયમ માટે પ્રતિબંધિત કરવામાં આવ્યા છે. માસિક સુરક્ષા અહેવાલમાં, કંપનીએ જણાવ્યું હતું કે સૌથી વધુ ફરિયાદો દુરુપયોગ/સતામણી (૧,૦૭૬) વિશે છે.
આ પછી, ઘૃણાસ્પદ વર્તન (૧,૦૬૩), બાળ જાતીય શોષણ (૪૫૦) અને સંવેદનશીલ પુખ્ત સામગ્રી (૩૩૨) માટે ફરિયાદો મળી હતી. ગયા મહિને, ૨૫ જુલાઈથી ૨૬ ઓગસ્ટની વચ્ચે, કંપનીએ ૧૨,૮૦,૧૦૭ ખાતાઓ પર પ્રતિબંધ મૂક્યો હતો, જ્યારે જૂન મહિનામાં, ૧૮,૫૧,૦૨૨ ખાતા કાયમ માટે બંધ કરવામાં આવ્યા હતા. જાે તમે પણ પ્લેટફોર્મ પર આવી પ્રવૃત્તિઓમાં સામેલ છો, તો કંપની તમારા એકાઉન્ટને પણ પ્રતિબંધિત કરી શકે છે.
નોંધ કરો, એવું જરૂરી નથી કે તમારું એકાઉન્ટ જાણ થયા પછી જ પ્રતિબંધિત થઈ જાય, કંપની પોતે એકાઉન્ટ પર કાર્યવાહી કરી શકે છે. તેથી, જાે તમે તમારું એકાઉન્ટ સુરક્ષિત રાખવા માંગતા હો, તો પ્લેટફોર્મના નિયમોને ધ્યાનમાં રાખો અને ખોટી બાબતોને પ્રોત્સાહન ન આપો. ૨૬ જુલાઈ અને ૨૫ ઓગસ્ટની વચ્ચે, ઠ એ ભારતમાં ૧૨,૮૦,૧૦૭ એકાઉન્ટ પર પ્રતિબંધ મૂક્યો હતો. માઇક્રો-બ્લોગિંગ પ્લેટફોર્મે દેશમાં તેના પ્લેટફોર્મ પર આતંકવાદને પ્રોત્સાહન આપવા માટે ૨,૩૦૭ એકાઉન્ટ્સ પણ કાઢી નાખ્યા છે.
વધુમાં, ૨૬ જૂનથી ૨૫ જુલાઈની વચ્ચે, કંપનીએ દેશમાં તેના પ્લેટફોર્મ પર આતંકવાદને પ્રોત્સાહન આપવા બદલ ૧,૮૫૧,૦૨૨ એકાઉન્ટ્સ પર પ્રતિબંધ મૂક્યો હતો અને ૨,૮૬૫ એકાઉન્ટ્સ કાઢી નાખ્યા હતા. દરમિયાન, મસ્ક હેઠળ, ઠ એ તાજેતરમાં ભારત અને તુર્કી સહિત વૈશ્વિક સ્તરે સામગ્રીને પ્રતિબંધિત કરવા અથવા અવરોધિત કરવાની ૮૩ ટકા સરકારી વિનંતીઓને મંજૂરી આપી છે.SS1MS
