યુક્રેને રશિયાની અંદર જ રહીને હુમલાનો પ્લાન પાર પાડ્યો

૫૫૦૦ કિમી અંદર એરબેઝ તબાહ કરીને યુક્રેને તમામને ચોંકાવ્યા

યુક્રેનની આ કાર્યવાહી ઇતિહાસમાં અંકિત થશે : ઝેલેન્સ્કી

રશિયા અને યુક્રેન વચ્ચેના યુદ્ધને ત્રણ વર્ષ કરતાં વધુનો સમય થઈ ચુક્યો છે

કીવ,રશિયા અને યુક્રેન વચ્ચેના યુદ્ધને ત્રણ વર્ષ કરતાં વધુનો સમય થઈ ચુક્યો છે. બંને તરફથી એકબીજા પર ભીષણ હુમલા થઈ રહ્યા છે. ખાસ કરીને રશિયાએ યુક્રેનના સૈન્યને ભારે માત્રામાં નુકસાન પહોંચાડ્યું છે, સાથે જ યુક્રેનની લગભગ ૨૦ ટકા જમીન પર કબજો કરી લીધો છે. જોકે, આ સંઘર્ષમાં લગભગ ૩૯ મહિના પછી એક વળાંક આવ્યો છે. હકીકતમાં, ૧લી જૂનને રવિવારે યુક્રેને ૧૦૦થી વધુ ડ્રોન થકી રશિયામાં હુમલા કર્યા અને રશિયાના બોમ્બર વિમાનોને તબાહ કરી દીધા. આ બોમ્બર વિમાન પરમાણુ બોંબને લઈ જવામાં પણ સક્ષમ હતા. યુક્રેનના આ હુમલાને આધુનિક સમયનો ‘પર્લ હાર્બર’ ગણવામાં આવ્યો છે. યુક્રેનની સુરક્ષા એજન્સીઓનું માનીએ તો તેમના હુમલામાં રશિયાના હવાઈ મિસાઇલ લોન્ચરોનો ૩૪ ટકા જથ્થો હવે તબાહ થઈ ચુક્યો છે.

એવું માનવામાં આવી રહ્યો છે છેવટે યુક્રેને રશિયાના ૫૫૦૦ કિલોમીટર અંદર ઘુસીને હુમલો કર્યાે કેવી રીતે? આ ઘટનાને લઈને યુક્રેનના રાષ્ટ્રપતિ વોલોદિમીર ઝેલેન્સ્કીએ જણાવ્યું કે હુમલામાં ૧૧૭ ડ્રોનનો ઉપયોગ કરવામાં આવ્યો હતો. આ યુક્રેને રશિયામાં ઘુસીને સૌથી લાંબા અંતરનો હુમલો કર્યાે. જેમાં રશિયાને ખૂબ નુકસાન થયું. યુક્રેનની આ કાર્યવાહી ઇતિહાસના પૃષ્ઠોમાં અંકિત થશે.યુક્રેને આટલો મોટો હુમલો કર્યાે કેવી રીતે? આ પ્રશ્નના જવાબમાં ઝેલેન્સ્કી કહેવું છે કે રશિયા પર ડ્રોનથી હુમલો કરવાનો પ્લાન ૧૮ મહિના અને ૯ દિવસ પહેલા શરુ કર્યાે હતો. ઝેલેન્સ્કીના નિવેદનથી સ્પષ્ટ છે કે હુમલાની જાણકારી અમેરિકાને આપવામાં આવી ન હતી. યુક્રેને આ જટિલ સૈન્ય અભિયાનને ‘સ્પાઇડર્સ વેબ’ નામ આપ્યું હતું.

આ અંતર્ગત યુક્રેને રશિયાના હજારો કિલોમીટર દૂર આવેલા પાંચ એરબેઝ પર એક સાથે હુમલો કર્યાે હતો. આ મોટા હુમલાની યોજના યુક્રેનના જાસૂસોએ રશિયામાં બેસીને બનાવી હતી. આ માટે યુક્રેનના જાસૂસોએ રશિયાની જાસૂસી એજન્સી એફએસબીના એક પ્રાદેશિક મુખ્યમથકની પાસે પોતાનું કેન્દ્ર બનાવ્યું હતું.ચોંકાવનારી વાત એ છે કે યુક્રેને પહેલીવાર પોતાની સરહદથી ૪૩૦૦ કિમી રશિયાની અંદર આવેલા ઈરકુત્સ્ક એરબેઝ પર હુમલો કર્યાે અને અન્ય એક હુમલો પોતાની સરહદથી ૫૫૦૦ કિમી રશિયાની અંદર આવેલા એરબેઝ પર પણ હુમલો કર્યાે. આ એરબેઝ રશિયાના પૂર્વમાં દૂર આવેલા ક્ષેત્રમાં કર્યાે, જે ચીનની સરહદથી નજીક છે. આ સિવાય અન્ય ત્રણ હુમલા કર્યા છે.SS1