વરુણ ધવનનો એક્શન અવતાર ‘બેબી જોન’માં જોવા મળશે

મુંબઈ, વરુણ ધવનની આગામી ફિલ્મ બેબી જ્હોન ૨૫મી ડિસેમ્બરે સિનેમાઘરોમાં રિલીઝ થઈ રહી છે. આ ફિલ્મ પર ઘણો બધો મદાર છે.બોલિવૂડ અભિનેતા વરુણ ધવન ફિલ્મોમાં તેની શાનદાર કોમેડી માટે જાણીતો છે.

તેની ફિલ્મોમાં એક્શન પણ હોય છે, પરંતુ ફેન્સમાં તેની ઈમેજ કોમેડી એક્ટર તરીકેની છે. પરંતુ હવે તે એક્શન અવતારમાં જોવા મળશે. તેની ફિલ્મ ‘બેબી જોન’ સિનેમાઘરોમાં રિલીઝ થવાની તૈયારીમાં છે. આ ફિલ્મમાં વરુણ ધવન જોરદાર એક્શનમાં જોવા મળશે.

આ ફિલ્મનું નિર્દેશન કલિસ દ્વારા કરવામાં આવ્યું છે અને એટલી કુમાર દ્વારા નિર્મિત છે. વરુણ ધવનના ફેન્સ ફિલ્મ ‘બેબી જોન’ની આતુરતાથી રાહ જોઈ રહ્યા છે.કૃતિ સુરેશ અને વામિકા ગબ્બી ફિલ્મ ‘બેબી જોન’માં વરુણ ધવનની સાથે જોવા મળશે. આ ફિલ્મમાં જેકી શ્રોફ ખલનાયક તરીકે જોવા મળશે. ફિલ્મમાં જેકી અને વરુણ બંનેની એક્શન ચાહકોને ખુબ પસંદ આવશે.

આ સિવાય ફિલ્મને રજાનો લાભ પણ મળવાનો છે. આ ફિલ્મ ૨૫ ડિસેમ્બરે રજાના દિવસે રિલીઝ થઈ રહી છે. આવી સ્થિતિમાં, માનવામાં આવે છે કે ફિલ્મ પ્રથમ દિવસે સારી કમાણી કરશે.એક રિપોર્ટ અનુસાર, ‘બેબી જોન’ પહેલા દિવસે માત્ર ૧૨ થી ૧૫ કરોડ રૂપિયાની કમાણી કરશે. દરમિયાન, પિંકવિલાના અહેવાલમાં કહેવામાં આવ્યું છે કે ફિલ્મ ૧૫-૧૮ કરોડ રૂપિયાનું કલેક્શન કરી શકે છે.

આ સિવાય ફિલ્મની કમાણી ૨૦ કરોડ રૂપિયા સુધી પહોંચવાનો અંદાજ છે. આ પછી ફિલ્મની કમાણી રિવ્યુ અને માઉથ ટુ માઉથ પબ્લિસિટી પર આધાર રાખે છે.અલ્લુ અર્જુનની ફિલ્મ ‘પુષ્પા ૨’ બોક્સ ઓફિસ પર કમાણી કરી રહી છે અને ફિલ્મે કમાણીના ઘણા રેકોર્ડ તોડીને ૧૫૦૦ કરોડનું કલેક્શન પાર કરી લીધું છે.

‘પુષ્પા ૨’ને બોક્સ ઓફિસ પર બીજી કોઈ ફિલ્મનો સામનો કરવો પડ્યો ન હતો, પરંતુ હવે ‘બેબી જોન’ ૨૫ ડિસેમ્બરે સિનેમાઘરોમાં રિલીઝ થઈ રહી છે, જેની અસર હવે ‘પુષ્પા ૨’ની કમાણી પર જોવા મળી શકે છે.

જો ‘બેબી જોન’ ચાહકોનું દિલ જીતી લે તો ‘પુષ્પા ૨’ માટે મુશ્કેલી આવી શકે છે, પરંતુ એ પણ સાચું છે કે ‘પુષ્પા ૨’ના ક્રેઝને કારણે ‘બેબી જોન’ને બોક્સ ઓફિસ પર નુકસાન સહન કરવું પડી શકે છે.SS1MS