વિકી કૌશલની ‘છાવા’ બોક્સ ઓફીસ પર છવાઈ

મુંબઈ, બોલિવૂડ અભિનેતા વિકી કૌશલની ફિલ્મ ‘છાવા’ સિનેમાઘરોમાં રિલીઝ થઈ ગઈ છે. ચાહકો આ ફિલ્મની રિલીઝની આતુરતાથી રાહ જોઈ રહ્યા હતા. તે છત્રપતિ શિવાજીના પુત્ર છત્રપતિ સંભાજી મહારાજના જીવન પર આધારિત છે.

ફિલ્મમાં વિક્કી કૌશલ સંભાજી મહારાજના રોલમાં જોવા મળી રહ્યો છે. તેની સાથે રશ્મિકા મંદાન્ના મુખ્ય ભૂમિકામાં છે. આ ફિલ્મમાં વિક્કી કૌશલે જબરદસ્ત કામ કર્યું છે, લોકો તેના અભિનયના દિવાના થઈ ગયા છે. આ કારણોસર, ‘છાવા’વિશે ખૂબ જ ચર્ચા છે.

જો અહેવાલો પર વિશ્વાસ કરવામાં આવે તો, ‘છાવા’ વિક્કી કૌશલની અત્યાર સુધીની બધી ફિલ્મોના રેકોર્ડ તોડી નાખશે.‘છાવા’ એડવાન્સ બુકિંગ દ્વારા વિક્કી કૌશલની કેટલીક ફિલ્મોના પહેલા દિવસના કલેક્શનને પાછળ છોડી દીધું છે.

હવે આપણે ‘છાવા’ ના બમ્પર ઓપનિંગની રાહ જોઈ રહ્યા છીએ. વિક્કી કૌશલની ફિલ્મોના કલેક્શનની વાત કરીએ તો, તેની ફિલ્મ બેડ ન્યૂઝે પહેલા દિવસે ૮.૬૨ કરોડ રૂપિયાનું કલેક્શન કર્યું હતું.

આ પહેલા, સેમ બહાદુરે ૫.૭૫ કરોડ, ધ ગ્રેટ ઇન્ડિયન ફેમિલીએ ૧ કરોડ, ઝરા હટકે ઝરા બચકેએ ૫.૪૯ કરોડ, ભૂતએ ૫.૧૦ કરોડ, ઉરી ધ સર્જિકલ સ્ટ્રાઇકે ૮.૨૦ કરોડ, મનમર્ઝિયાએ ૩.૫૨ કરોડ અને રાઝીએ ૭.૫૩ કરોડ રૂપિયા એકઠા કર્યા હતા.

છાવાએ એડવાન્સ બુકિંગથી આટલી કમાણી કરીવિક્કી કૌશલની ફિલ્મ ‘છાવા’ના એડવાન્સ બુકિંગ વિશે વાત કરીએ તો, એક અહેવાલ મુજબ, ફિલ્મે પહેલાથી જ ૧૭.૮૯ કરોડ રૂપિયાની કમાણી કરી લીધી છે.

એનો અર્થ એ થયો કે વિકીએ તેની બધી ફિલ્મોના રેકોર્ડ તોડી નાખ્યા છે. વિકી કૌશલ એક નવો રેકોર્ડ બનાવવા માટે તૈયાર છે. તેમની આ ફિલ્મ ખૂબ કમાણી કરશે. તેનું દિગ્દર્શન લક્ષ્મણ ઉતેકરે કર્યું છે. આ ફિલ્મમાં અક્ષય ખન્ના વિક્કી કૌશલ અને રશ્મિકા મંદાના સાથે મહત્વપૂર્ણ ભૂમિકા ભજવતા જોવા મળે છે.SS1MS