વિકી કૌશલનો ‘મહાઅવતાર’ ભગવાન પરશુરામનો રોલ કરશે

મુંબઈ, પહેલાં છેલ્લાં બે દિવસથી વિકી કૌશલ વધુ એક માઇથોલોજિકલ ફિલ્મમાં કામ કરવાનો હોવાની ચર્ચાઓ ચાલી હતી. મેડોક ફિલ્મ્સ હોરર કોમેડી પછી હવે એક માઇથોલોજિકલ ફિલ્મ બનાવવા જઈ રહ્યું છે. બુધવારે આ ફિલ્મનો પહેલો લૂક લોંચ કરવામાં આવ્યો હતો.

જેમાં વિક્કી કૌશલ ચિરંજિવી ભગવાન પરશુરામનો રોલ કરવાનો છે. યોદ્ધા ભગવાન પરશુરામની ફિલ્મને ‘મહાઅવતાર’ નામ આપવામાં આવ્યું છે. સોશિયલ મીડિયા પર આ પોસ્ટર શેર કરવામાં આવ્યું હતું. આ પોસ્ટર શેર થતાં જ વિકીના ફૅન્સ ઉત્સાહમાં આવી ગયા છે.

લોકોએ વિકી કૌશલને એક કાચિંડા સાથે સરખાવ્યો છે, જે દરેક ફિલ્મના પાત્રમાં સરળતાથી પોતાની જાતને ઢાળી દે છે. પરશુરામના અવતારમાં વિકી લાંબા વાળ અને લાંબી દાઢી-મૂછ સાથે એકદમ આક્રમક અવતારમાં જોવા મળે છે. સાથે જ એનું બાડી પણ યોદ્ધા જેવું દેખાય છે.

વિકીએ આ પોસ્ટર શેર કરતાં કૅપ્શનમાં લખ્યું હતું,“દિનેશ વિજાન લઇને આવે છે ધર્મના યોદ્ધાની સ્ટોરી! મહાવતારમાં વિકી કૌશલ ચિરંજિવી પરશુરામ તરીકે જોવા મળશે, જે અમર કૌશિક દ્વારા ડિરેક્ટ કરવામાં આવશે અને ક્રિસમસ ૨૦૨૬ પર સિનેમામાં રજૂ થશે.

”જોકે, વિકીના ફૅન્સ દ્વારા અત્યારથી જ આ ફિલ્મને બ્લોકબસ્ટર જાહેર કરી દેવામાં આવી છે. તેમણે વિકી કૌશલને સહજતાથી બ્લોકબસ્ટર ફિલ્મો આપતો કલાકાર ગણાવ્યો હતો.

લોકો હજુ તો આતુરતાપૂર્વક ‘છાવા’ની રાહ જોઇ રહ્યા છે, ત્યાં તો ‘મહાઅવતાર’ની જાહેરાત થઈ ગઈ છે.ડિસેમ્બરમાં વિકીની ‘છાવા’ રિલીઝ થશે. ત્યાર બાદ વિકી કૌશલ રણબીર કપુર અને આલિયા ભટ્ટ સાથે સંજય લીલા ભણસાલીની ‘લવ એન્ડ વાર’માં કામ કરશે. ત્યાર બાદ તે ‘મહાઅવતાર’માં જોવા મળશે.SS1MS