વિકી ગુજરાતી ફૂડનો સ્વાદ માણતા લખ્યું ઝરા ફાફડા ઝરા જલેબી

મુંબઈ, પોતાની અપકમિંગ બોલિવૂડ ફિલ્મ ઝરા હટકે ઝરા બચકેના પ્રમોશન માટે એક્ટર વિકી કૌશલ અમદાવાદ આવી પહોંચ્યો છે. તેણે અમદાવાદમાં ગુજરાતી સ્વાદિષ્ટ વાનગીઓ જેવી કે ફાફડા, જલેબી, ખાંડવી વગેરેનો સ્વાદ માણ્યો હતો અને તેના ફોટોગ્રાફ્સ પણ સોશિયલ મીડિયા પર શેર કર્યા હતા.

આજે એકબાજુ અમદાવાદમાં નરેન્દ્ર મોદી સ્ટેડિયમમાં IPL ફાઈનલ મેચ રમાવાની છે ત્યારે એક્ટર વિકી કૌશલ પણ આ ફાઈનલ મેચમાં હાજરી આપે તેવું માનવામાં આવી રહ્યું છે. ફોટો શેર કરતા એક્ટર વિકી કૌશલે લખ્યું કે ઝરા ફાફડા ઝરા જલેબી. બોલિવૂડ અભિનેતા વિકી કૌશલ હાલમાં ગુજરાતના પ્રવાસે છે.

તેણે અમદાવાદમાં ફાફડા અને જલેબીનો આનંદ માણ્યો છે. ઝરા હટકે ઝરા બચકેનું ટ્રેલર વાર્તાની ‘સાઇડ છ’ દેખાડીને શરૂ થાય છે. વિકી કૌશલ અને સારા અલી ખાન ઈન્દોરના પરિણીત કપિલ અને સૌમ્યાની ભૂમિકા ભજવે છે. ટ્રેલર તેમના ખીલેલા પ્રેમની ઝલક આપે છે અને શરૂઆતમાં તેમના પરિવારો ખુશ છે.

ટ્રેલર ઝડપથી સાઇડ બી પર શિફ્ટ થાય છે, જ્યાં કપિલ અને સૌમ્યા એકબીજા સાથે લડતા અને છૂટાછેડા તરફ જતાં જાેવા મળે છે, જેથી દરેક જણ એ પ્રશ્ન કરે છે કે શું ખોટું થયું છે. આ ટ્રેલર રોમાન્સ, ડ્રામા અને કોમેડીની રોલરકોસ્ટર રાઈડની ઝલક દેખાડે છે. આ ફિલ્મના ડિરેક્ટર લક્ષ્મણ ઉટેકર છે. આ ફિલ્મ તારીખ ૨ જૂન, ૨૦૨૩ના દિવસે થિયેટર્સમાં રિલીઝ થશે.

હાલ અભિનેતા વિકી કૌશલ અમદાવાદની મુલાકાતે આવ્યો છે. તે ગઈકાલથી જ ગુજરાત ટાઈટન્સ અને ચેન્નઈ સુપર કિંગ્સની મેચ જાેવા અમદાવાદનો મહેમાન બન્યો છે. જાેકે ગઈકાલે ખરાબ હવામાનના કારણે મેચ રદ કરવામાં આવી હોવાથી તે અહીં જ રોકાયો હોવાનું જાણવા મળ્યું છે.

આ દરમિયાન તેણે આજે અમદાવાદમાં ફાફડા અને જલેબીનો આનંદ લીધો હતો. વિકી કૌશલે કેટલીક તસવીરો પણ શેર કરી હતી. તેણે અમદાવાદના ગુરુકુળ વિસ્તારમાં ફાફડા અને જલેબીની મજા માણી ત્યારે પિચ કલરની હૂડી સ્ટાઈલમાં કપડાં અને જિન્સ પહેરવા ઉપરાંત બ્લેક ચશ્મામાં સુપર દેખાતો હતો.SS1MS