વિનેશ-બજરંગે છોકરીઓના સન્માન માટે વિરોધ ન કર્યો

નવી દિલ્હી, ભાજપના નેતા બ્રિજભૂષણ શરણ સિંહે કુસ્તીબાજ વિનેશ ફોગાટ અને બજરંગ પુનિયાના કોંગ્રેસમાં જોડાવા પર આકરા પ્રહારો કર્યા છે. તેમણે કહ્યું કે કોંગ્રેસે રાજનીતિ ખાતર દીકરીઓની ગરિમાને ઠેસ પહોંચાડી છે. તેમના પર લાગેલા આરોપો પર બ્રિજ ભૂષણે કહ્યું હતું કે તે દિવસે દિલ્હીમાં નહોતો.બ્રિજ ભૂષણે કહ્યું, ‘તે ખેલાડીઓનું આંદોલન નહોતું પરંતુ કોંગ્રેસનું આંદોલન હતું.

હવે સ્પષ્ટ થઈ ગયું કે કોંગ્રેસે અમારી વિરુદ્ધ કાવતરું ઘડ્યું હતું. હું હરિયાણાના લોકોને કહેવા માંગુ છું કે બજરંગ કે વિનેશે છોકરીઓના સન્માન માટે પ્રચાર નથી કર્યાે, બલ્કે તેઓએ મહિલાઓનો ઉપયોગ રાજકારણ માટે કર્યાે અને મહિલાઓનું અપમાન કર્યું. તેઓ દીકરીઓના સન્માન માટે નહીં પરંતુ રાજકારણ માટે આંદોલન કરી રહ્યા હતા.

બ્રિજભૂષણ શરણ સિંહે કહ્યું, “હરિયાણા રમતના ક્ષેત્રમાં ભારતનો તાજ છે. અને જે રીતે તેઓએ લગભગ ૨.૫ વર્ષ સુધી કુસ્તીની પ્રવૃત્તિઓ બંધ કરી. શું એ સાચું નથી કે બજરંગ ટ્રાયલ વિના એશિયન ગેમ્સમાં ગયો? હું એવા લોકોની વિરુદ્ધ છું.” હું વિનેશ ફોગટને પૂછવા માંગુ છું, શું કોઈ ખેલાડી એક દિવસમાં ૨ વજનની શ્રેણીમાં ટ્રાયલ આપી શકે છે? શું તમે કુસ્તી જીત્યા પછી ત્યાં ગયા નથી, પરંતુ તમે જુનિયરના અધિકારોનું ઉલ્લંઘન કરીને છેતરપિંડી કરીને ત્યાં ગયા છો? ખેલાડીઓ, ભગવાને તમને તે માટે સજા કરી છે.

તેમણે કહ્યું કે, “દીકરીઓના અપમાન માટે હું દોષિત નથી. દીકરીઓના અપમાન માટે જો કોઈ દોષિત હોય તો તે બજરંગ અને વિનેશ છે. અને તેની સ્ક્રિપ્ટ લખનાર ભૂપેન્દ્ર હુડ્ડા તેના માટે જવાબદાર છે. જો તેઓ (ભાજપ) મને પૂછે કે શું? તમે મને (હરિયાણાની ચૂંટણીમાં પ્રચાર કરવા) જવા કહો છો, એક દિવસ કોંગ્રેસને પસ્તાવો થશે.

આ પહેલા શુક્રવારે પણ બ્રિજભૂષણ સિંહે દાવો કર્યાે હતો કે લોકસભા ચૂંટણી દરમિયાન હરિયાણાના લોકો કહેતા હતા કે જો તમે અહીંથી ચૂંટણી લડશો તો અમે તમને જીતાડશું, પરંતુ તે સમયે મેં તેમને ના પાડી દીધી હતી.

બ્રિજ ભૂષણ સિંહે કહ્યું કે કુસ્તીબાજોને ન્યાય અપાવવાના નામે કોંગ્રેસના ઘણા નેતાઓ તેમના વિરોધમાં જોડાયા હતા. એક પછી એક અનેક કુસ્તીબાજોને તેમના પ્યાદા બનાવવામાં આવ્યા. તેમણે આરોપ લગાવ્યો કે કોંગ્રેસે કુસ્તીબાજો સાથે મળીને આ દેશમાં કુસ્તીનો નાશ કર્યાે છે.SS1MS