1 મહિનાની બાળકીને લઈને મહિલા પહોંચી મતદાન કરવા
બનાસકાંઠા: દિયોદરના મૂળ વતની અને ગાંધીનગર રહેતા શ્રીમતી અલકાબેન ઠક્કર પોતાના પરિવાર સાથે દિયોદર શાળા નંબર -૪ ખાતે મતદાન કરવા આવી પહોંચ્યા હતા. શ્રીમતી અલકાબેન ઠક્કરે તેમની પુત્રવધુ વૈશાલીબેન ઠક્કર અને એક મહિનાની નાનકડી બાળકી સાથે આવી પોતાના મતાધિકારનો ઉપયોગ કર્યો હતો. તેમણે કહ્યું કે મતદાન કરવું એ દરેક નાગરિકનો અધિકાર છે ત્યારે મતદાન તો કરવું જ જોઈએ.
