ઋષિ કપૂર દરેક સિનમાં જીવ રેડી દેતો હતો : રણધીર
મુંબઈ: ટેલેન્ટેડ કન્ટેસ્ટન્ટ્સના પર્ફોર્મન્સથી સિંગિંગ રિયાલિટી શો ‘સા રે ગા મા પા લિટલ ચેમ્પ દર્શકોના દિલ જીતી રહ્યો છે. ગયા અઠવાડિયે અમોલ પાલેકર અને અન્નુ કપૂર સાથે ૮૦ના દશકાનું સેલિબ્રેશન કર્યા બાદ શોના અપકમિંગ એપિસોડમાં લેજેન્ડરી એક્ટર રણધીર કપૂર મહેમાન બનીને આવવાના છે.
એપિસોડ દરમિયાન તેઓ કેટલાક રસપ્રદ ખુલાસા કરતાં જોવા મળશે. એપિસોડમાં ફિલ્મ ‘ખેલ ખેલ મેં’ના સોન્ગ ‘તુમને હમકો દેખા’ પર આપેલા રનિતા અને માધવ જે પર્ફોર્મન્સ આપવાના છે તે દરેકના દિલ જીતી લેશે. જે બાદ રણધીર કપૂર ખુલાસો કરતાં જોવા મળશે કે ઋષિ કપૂર અને નીતૂ કેવી રીતે પ્રેમમાં પડ્યા તે વિશે વાત કરતાં જોવા મળશે. રણધીર કપૂરે કહ્યું કે, ‘ચિંટુ (ઋષિ કપૂર) ખરેખર સારો આર્ટિસ્ટ હતો.
તેને કામને જોઈને હું ખુશ થતો હતો. તે દરેક સીનમાં પોતાના જીવ પરોવી દેતો હતો. એક્ટર આવો જ હોવો જોઈએ, તેને તેના કામ પ્રત્યે ખૂબ પ્રેમ હતો. આ કારણથી જ આપણે બધા તેને તેમજ તેની ફિલ્મોને આટલો પ્રેમ કરીએ છીએ. મારી જેમ જિતેન્દ્ર, રાકેશ રોશન અને પ્રેમ ચોપરા સહિતના તેના કો-એક્ટર્સ પણ તેને આજે ઘણો યાદ કરતાં હશે. રણધીર કપૂરે તેમને ઋષિ કપૂરની કઈ ફિલ્મ સૌથી વધારે ગમી હતી તેના વિશે પણ વાત કરી હતી. તેમણે કહ્યું કે, ‘મને તેની ફિલ્મ બોબી ગમી હતી.
ફિલ્મમાં એકદમ ફ્રેશ દેખાતો હતો. ૨૦ વર્ષના છોકરાએ અદ્દભુત કામ કર્યું હતું. હું જ્યારે પણ તે ફિલ્મ જોઈ છું ત્યારે લાગે છે કે ફરીથી પ્રેમમાં પડી જઈશ. તેની ડિરેક્ટોરિઅલ ડેબ્યૂ આ અબ લૌટ ચલે હતી અને તે નર્વસ હતો. પરંતુ મને તે ફિલ્મ ગમી અને જેણે જોઈ તેને પણ ગમી હતી. ચિંટુ મારો ભાઈ કરતાં ફ્રેન્ડ વધારે હતો. અમે સ્પેશિયલ બોન્ડ શેર કરતા હતા. તે વધુ ફિલ્મ ડિરેક્ટ કરે તેમ હું ઈચ્છતો હતો’. રણધીર કપૂર એપિસોડ દરમિયાન ઘણીવાર ભાવુક થયા હતા અને તેમણે કિસ્સાઓ અને રસપ્રદ સ્ટોરી શેર કરી હતી.
