ગુગલે અનુષ્કા શર્માને અફઘાન ક્રિકેટર રાશિદની પત્નિ દર્શાવી
મુંબઈ: આજકાલ, જો કોઈને કંઇપણ જાણવું હોય તો ગૂગલનો ઉપયોગ કરાય છે. પરંતુ ગૂગલ કેટલીકવાર એવા જવાબો પણ આપે છે જેના પર વિશ્વાસ કરવો મુશ્કેલ છે. ગૂગલે તાજેતરમાં કંઈક આવું જ કર્યું છે. ખરેખર, જ્યારે ગૂગલ ઉપર અફઘાનિસ્તાનના ક્રિકેટર રાશિદ ખાનની પત્ની વિશે પૂછવામાં આવ્યું ત્યારે ગૂગલ અનુષ્કા શર્માને જવાબ આપી રહ્યું છે. આ પછી આ વાત સોશિયલ મીડિયા પર વાયરલ થઈ હતી. ખરેખર, રાશિદ ખાનની પત્ની વિશે ગુગલ પર સર્ચ કરતી વખતે ગૂગલ રાશિદ ખાનને પરણિત તરીકે જ નહીં પરંતુ પત્નીના નામની આગળ અનુષ્કા શર્માને જણાવી રહ્યું છે. ગૂગલ લગ્નની તારીખ ૧૧ ડિસેમ્બર ૨૦૧૭ પણ જણાવી રહ્યું છે, તે દિવસે વિરાટ કોહલી અને અનુષ્કા શર્માના લગ્ન થયા હતા.
હવે બધા જાણે છે કે અનુષ્કા શર્મા ભારતીય ક્રિકેટ ટીમના કેપ્ટન વિરાટ કોહલીની પત્ની છે. અનુષ્કા અત્યારે ગર્ભવતી છે અને જાન્યુઆરીમાં તેના પહેલા બાળકને જન્મ આપશે. હવે ગર્ભાવસ્થા સિવાય ગુગલના આ નવા કારનામાને કારણે અનુષ્કા વધુ ચર્ચામાં આવી ગઈ છે. સોશિયલ મીડિયા પર, વપરાશકર્તાઓ આ વિશે ફની મીમ્સ શેર કરી રહ્યાં છે. પરંતુ સવાલ એ છે કે ગૂગલ આવું ખોટું પરિણામ કેમ બતાવી રહ્યું છે.
દરેક જણ જાણવા માગે છે કે ગૂગલ આ કેમ બતાવી રહ્યું છે. ખરેખર, વર્ષ ૨૦૧૮ માં, રાશિદ ખાને ઇંસ્ટાગ્રામ લાઇવ સેશન કર્યું હતું. દરમિયાન, ફેનના સવાલના જવાબમાં રાશિદ ખાને અનુષ્કા શર્મા અને પ્રીતિ ઝિન્ટાને તેની પસંદગીની બોલિવૂડ હિરોઇન ગણાવી હતી. આ પછી રાશિદ ખાન ટ્રેન્ડમાં આવી ગયો અને અનુષ્કા શર્માની તેની પ્રિય હિરોઇનની વાત અનેક ન્યૂઝ પોર્ટલો પર ચાલતી હતી. ઘણી વાતોમાં અનુષ્કા અને રાશિદ ખાનના નામ એક સાથે આવ્યા પછી હવે ગૂગલ આ બંનેને પતિ અને પત્ની તરીકે વર્ણવી રહ્યું છે. આશા છે કે ગુગલની આ તકનીકી સમસ્યા જલ્દીથી સુધારવામાં આવશે.
