ડેન્ગ્યુ વધતાં કેન્દ્રએ નવ રાજ્યો-કેન્દ્ર શાસિત પ્રદેશમાં ટીમ દોડાવી
નવી દિલ્હી, કોરોના બાદ હવે ડેન્ગ્યૂનો પ્રકોપ વધતો જઈ રહ્યો છે. કેટલાક લોકો સંક્રમિત થઈ રહ્યા છે. પરિસ્થિતિ એ છે કે ઘણા રાજ્યોમાં ડેન્ગ્યૂને કાબૂ કરવુ મુશ્કેલ થઈ રહ્યુ છે. એવામાં કેન્દ્રીય સ્વાસ્થ્ય મંત્રાલયે નવ રાજ્યો અને કેન્દ્ર શાસિત પ્રદેશોમાં કેન્દ્રીય ટીમને રવાના કર્યા છે.
વિશેષજ્ઞોની આ ટીમ રાજ્યની ટીમને તકનીકિ માર્ગદર્શન પ્રદાન કરશે. આ માટે આ નવ રાજ્યો અને કેન્દ્ર શાસિત પ્રદેશના પ્રમુખ સચિવને પત્ર પણ મોકલવામાં આવ્યો છે, જેમાં કહેવામાં આવ્યુ છે કે કેન્દ્ર દ્વારા ડેન્ગ્યૂની રોકથામ માટે વિશેષજ્ઞોનુ દળ મોકલવાનો ર્નિણય લેવામાં આવ્યો છે. આ દળમાં રાષ્ટ્રીય રોગ નિયંત્રણ કેન્દ્ર અને મચ્છરજન્ય રોગ નિયંત્રણ કાર્યક્રમના અધિકારી સામેલ છે.
કેન્દ્ર સરકારે વિશેષજ્ઞ ટીમ માટે એવા રાજ્યોની ચૂંટણી કરી છે, જ્યાં ડેન્ગ્યૂ કાબૂથી બહાર થઈ ગયો છે. આ રાજ્યોમાં હરિયાણા, પંજાબ, કેરળ, રાજસ્થાન, તમિલનાડુ, ઉત્તર પ્રદેશ, ઉત્તરાખંડ, દિલ્હી, જમ્મુ અને કાશ્મીર સામેલ છે. આ તમામ જગ્યાએ ડેન્ગ્યૂના ઘણા કેસ સામે આવી રહ્યા છે.
દેશની રાજધાની દિલ્હીમાં આ વર્ષે અત્યાર સુધી ૧૫૩૦ ડેન્ગ્યૂના કેસ સામે આવ્યા છે. જેમાંથી ૧૨૦૦ કેસ તો માત્ર ઓક્ટોબરમાં જ સામે આવ્યા છે, જે ગયા ચાર વર્ષમાં સૌથી વધારે છે. આ બાદ કેન્દ્રીય સ્વાસ્થ્ય મંત્રી મનસુખ માંડવિયાએ સ્વાસ્થ્ય સચિવને નિર્દેશ આપ્યા હતા કે જે રાજ્યોમાં ડેન્ગ્યૂનો પ્રકોપ વધારે છે ત્યાં કેન્દ્રીય ટીમ મોકલવામાં આવે.
મહારાષ્ટ્રના પૂણેમાં ઓક્ટોબરમાં ૧૬૮ ડેન્ગ્યૂના કેસ સામે આવ્યા છે. સપ્ટેમ્બરમાં ૧૯૨ દર્દીની પુષ્ટિ થઈ હતી. ચંદીગઢમાં અત્યાર સુધી ૩૩ લોકો ડેન્ગ્યૂથી પોતાના જીવ ગુમાવી ચૂક્યા છે. ઉત્તર પ્રદેશના ગાઝિયાબાદમાં ૧૦૦૦થી વધારે દર્દીની પુષ્ટિ થઈ છે. આને ૬૮ ટકા કેસ ઓક્ટોબરમાં સામે આવ્યા છે.SSS
